ဝိဂတဆိုတဲ့ပါဠိက ကင်းကင်းရှင်းရှင်းလို့ အဓိပ္ပါယ်ရပါတယ်။
အနန္တရ၊ သမနန္တရ ၊ နတ္တိ ၊ ဝိဂတတို့ရဲ့ စိတ်၊စေတသိတ်သဘောသွားတွေကတော့ အတူတူပါပဲ၊ စွမ်းရည် သတ္တိတွေကွဲပြားလို့ အမည်လေးမျိုးနဲ့ မြတ်စွာဘုရား ထပ်ဟောရခြင်းဖြစ်ပါတယ်။
ဥမာလေးတွေ ဦးစွာ စဉ်းစားကြရအောင်.. များသေားအားဖြင့် မိဘတွေဟာ သားသမီးတွေပေါ်မှာထားတဲ့ ချစ်မေတ္တာနဲ့ သားသမီးတွေအပေါ်ကူညီထောက်ပံ့ ကျေးဇူးပြုနေခြင်းဟာ နှောင်ကြိုးကင်းပါတယ်။ ကိုယ့်သား၊သမီးကို တော်စေချင် ၊ တတ်စေချင်တဲ့ မျှောင့်လင့်ချက် မျိုးတော့ရှိတာပေါ့၊ ဘယ်လို ပြန်လည်ပေးဆပ်ရမယ်ဆိုတဲ့ အနှောင်အဖွဲ့ကတော့ကင်းပါတယ်။ ကိုယ်သားသမီး အချိန်တန် အရွယ်ရောက်လို့ ကိုယ့်အိုး ကိုယ့်အိမ်နဲ့ သာသာယာယာရှိသွားရင် မိဘတွေက ကင်းကင်းရှင်းရှင်းပဲ ဥပေက္ခာသဘောနဲ့ ပီတိဖြစ်ရပါတယ်။
ထိုအတူပါပဲ ပဋ္ဌာန်းသဘောအရ ရှေးရှေးကဖြစ်တဲ့ စိတ်၊ စေသိက်တွေကလည်း နောက်နောက် စိတ်၊စေသိက်တွေကို ကင်းကင်းရှင်းရှင်းပဲ ဆက်လက်ဖြစ်ဖို့ကျေးဇူးပြုခြင်းကို ဝိဂတပစ္စယော ဟုဟောတော်မူပါတယ်။
နေရောင်ကင်းပျောက်မှ လရောက်ထွက်လာရခြင်းကိုလေ့လာခြင်းအားဖြင့်လည်း ဝိဂတပစ္စည်းရဲ့ အဓိပ္ပါယ်ကို သဘောပေါက်နိုင်ပါတယ်။
မြတ်စွာဘုရားက စိတ်၊ စေတသိက်တွေဟာ ရုပ်နဲ့နာမ်တို့ ပေါင်းဆုံမိတဲ့အခါမှာ မြင်သိစိတ် စသည်တို့ဖြစ်ပေါ်လာတယ်၊ ဖြစ်ပေါ်လာတဲ့ စိတ်၊စေတသိက်များလည်း ကြာရှည်စွာ မတည်ပဲ ခဏချုပ်သွားရတယ်ဆိုတဲ့ သဘောကို သိခြင်းအားဖြင့် စိတ် ၊ ဝိညာဉ်လေးတွေက အမြဲရှိနေတယ်ဆိုတဲ့ သဿတဒိဋ္ဌိ ၊ စိတ်တွေဟာ ဖြစ်ပြီးရင်ပြီးတာပဲ၊ အသစ် အသစ်တွေထပ်ဖြစ်နေတာပဲဆိုတဲ့ ဥစ္ဆေဒဒိဋ္ဌိနဲ့၊ သူ၊ငါ ဖန်ဆင်းလို့ဖြစ်ရတယ်ဆိုတဲ့ ဖန်ဆင်းရှင် မရှိပါဘူးဆိုတာကို ကင်းကင်းရှင်ရှင် သိစေချင်းပါ။
စိတ်ဖြစ်စဉ်လေးတွေကို အသေးစိတ်လေ့လာကြည့်ရအောင်..
မြင်စိတ်တခုဖြစ်စဉ်မှာ.. ဝီထိအစဉ်အတန်းလေးတွေက
၁၊ အတိတဘဝင် = သာမန်ဖြစ်တည်နေတဲ့ ဘဝရအစိတ်အပိုင်းကနေ စတင်ပြီး
၂၊ ဘဝဂစလန ဘဝင်တုန်လှုပ်မှု
၃၊ ဘဝင်္ဂုပစ္ဆေဒ = ဘဝင်ပြတ်မှု
၎၊ စူးစမ်းဆင်ခြင်တဲ့ = အာဝဇ္ဇန်း
၅၊ စက္ခုဝိညာဉ် = မြင်သိစိတ်
၆၊ သမ္ပဋိစ္ဆိုင်း = လက်ခံခြင်း။
၇၊ သန္တီရဏ = စုံးစမ်းခြင်း၊
၈၊ ဝုဋ္ဌော= ဆုံးဖြစ်ချက်ချခြင်း
၉၊ ဇော= မိမိဘဝပေးအလေ့အကျင့်အားလျှော်စွာ
ကောင်း / မကောင်း အာရုံ၏အရသာကို ခံစားတဲ့ ဇော (၇) ကြိမ် နဲ့
၁၀၊ တဒါရုံ = အချိန်သတ်လိုက်တဲ့ စိတ်တွေ ချုပ်ပျောက်ကင်းသွားပြီးမှ
ဘဝင်= ဘဝအစိတ်အပိုင်ဖြစ်တဲ့ ငြိမ်သက်တဲ့ စိတ်ကလေးပြန်ဖြစ်သွားပါတယ်။
ဝိဂတပစ္စယော ပဋ္ဌာန်းသဘောကို နာလည်၍ စိတ်၊စေတသိက်တွေဟာ သူ့သဘောအတိုင်း ဖြစ်နေတဲ့ စိတ္တနိယာမများဖြစ်ကြောင်းသဘောပေါက်ကြပါစေ။
No comments:
Post a Comment