အန်းကုန်း .. ဘယ်ကစ?

တရုတ်လို ဗိုက်ပူကြီးနဲ့ ရယ်ကာ ရွှင်ပြုံးပြုံး တရုတ်ကျောင်းတွေရဲ့ ရှေ့မျက်နှာတည့်တည့်မှာ မိန့်မိန့်ကြီးထိုင် ထိုင်နေတဲ့ပုံကို မြန်မာတွေက  “အန်းကုန်း” သို့မဟုတ် “ပုတိဘွား” လို့ခေါ်ကြပါတယ်။ တချို့ဘာသာရေး သိပ်နားမလည်တဲ့ သူတွေက အန်းကုန်းဘိုးတော်လို့တောင် ခေါ်တတ်ကြပါသေးတယ်။

အန်းကုန်း ရုပ်ထုတော်များကို တရုတ်ပြည်များတွင်သာမက ယခု မြန်မာနိုင်ငံ မေမြို့၊ မန္တလေး၊ ငါးသိုင်းချောင်းတို့မှာ ဖူးမျှော်နိုင်ပါပြီ။


 အန်းကုန်း ရုပ်ပွားတော်ကြီး ကို ဧရာဝတီတိုင်း ရေကြည်မြို့နယ် ငါးသိုင်းချောင်းမြို့နယ်ခွဲတွင် 2002 ခုနှစ် ဇန်န၀ါရီလ 2 ရက်နေ့တွင် စတင်တည်ဆောက်ခဲ့ရာ 2005 ခုနှစ် မတ်လ 9 ရက်နေ့ တွင် ပြီးစီအောင်မြင်ခဲ့သည်။ ကျပ်သိန်းနှစ်ရာကျော် ကုန်ကျခဲ့သည်။ အန်းကုန်း ရုပ်ပွားတော်ကြီး မှာ အမြင့်ပေ 60 မျက်ခုံးတော် 9ပေ မျက်လုံးတော် 7 ပေ နားတော် 7 ပေ နှာခေါင်းတော် 7 ပေ ပါးစပ်တော် 7ပေ ကမ္ဘာလုံးတော် အတွက် အချင်း 3 ပေ ကမ္ဘာလုံးတော် လုံးပတ် 52.2 ပေ အောက်ခံအခြေ ပေ 100 ရှိကြောင်းသိရသည်။      အင်တာနက်

မြန်မာနိုင်ငံ၊ ငါးသိုင်းချောင်းမှာရှိသော အန်းကုန်း

အန်းကုန်း ( သို့) ပုတိဖွားဆိုတဲ့ အမည်သည် မြန်မာတို့၏ အခေါ်အဝေါ်ဖြစ်ပါတယ်။

တရုတ်ခေါ် မိလဖော် ( mi-lo-fwo)
ဂျပန်အခေါ်= မိရကူ (miraku)
တိဘတ်အခေါ် =ဗျာမပါ ( Byams-pa)
ဗိယက်နန်အခေါ် = ဒီလော့ ( Di-lac)
ကိုရီယားအခေါ် = မိရန် ( Mi –rug) ဟုခေါ်ကြပါတယ်။

အုန်းကုန်းအကြောင်းကို ထေရဝါဒအမြင်၊ မဟာယာနအမြင်တို့ဖြင့် ပူတွဲတင်ပြထားပါတယ်။ သမိုင်းကြောင်းနောက်ခံမှာ အားလုံးနီပါးတူညီပြီး ၊ နောက်ပိုင်း ရုပ်ထု ကိုိးကွယ်လာမှုနှင့် ယုံကြည်အားထားမှုတို့မှာ တနိုင်ငံနှင့် တနိုင်ငံ ကွဲပြားခြားနားပါတယ်။

တူညီချက်

၁။ အရိမေတ္တေယျ ဘုရားလောင်း။
၂။ တာဝတိံသာနတ်ပြည်လက်ရှိနေ၍ အချိန်ရောက်သော် ဘုရားအဖြစ်လူပြည်တွင်ပွင့်မည်။           
 ၃။ မေတ္တာကိုယ်စားပြုမှု
 ၄။ ဂေါတမမြတ်စွာဘုရားထံမှ ဗျာဒိတ်တော်ရ။

ခြားနားချက်

ယုံကြည်ကိုးကွယ် အားထားမှု နှင့် ရုပ်ထုပူဇော်မှု။

ယခုမြန်မာတွေ ကိုးကွယ်ကြတဲ့ အန်းကုန်း ရုပ်ပွားတော်မှာ တရုတ်တွေရဲ့ ယုံကြည်ချက်အရ အရိမေတ္တေယျ ဘုရားလောင်းဟု ဆိုပါတယ်။
အရိမေတ္တေယျ (Maitreya) မှာ  Sanskrit မှလာပြီး ပါဠိလို မေတ္တာ ( ချစ်ခင်ခြင်း ) ဟု အဓိပ္ပါယ်ရပါတယ်။ မေတ္တာတရား၊ ကရုဏာတရားတို့ဖြင့် ပြည့်စုံသူလို့ အဓိပ္ပါယ်ရပါတယ်။

အန်းကုန်းခေါ် ( Mi-Lo- Fwo)ကို တရုတ်ဗုဒ္ဓဘာသာကျောင်းတိုင်းမှာ ဖူးတွေ့နိုင်ပါတယ်။  အန်းကုန်း ရုပ်ပွာတော်ဟာ ကျောင်းတိုက်ရဲ့ ဝင်ဝ အလယ်တည့်တည့်မှာ ပူဇော်ခံလေ့ရှိပြီး။ အန်းကုန်းကို ကိုးကွယ် ဆည်းကပ်ခြင်းအားဖြင့် စီးပွားဥစ္စာတိုးတတ်တယ်လို့ ယုံကြည်ကြပါတယ်။ တချို့က ( Mee- Luh) လို့လည်း အသံထွက်ခေါ်ဝေါ်ကြပါတယ်။

တရုတ်ကျမ်းစာအရ ယခု အန်းကုန်းဟာ တာဝတိံသာမှာရှိပြီး၊ ဂေါတမမြတ်စွာဘုရားရဲ့ ဗုဒ္ဓအမွေကို ဆက်လက်ခံယူမည်သူဟု ဆိုပါတယ်။ တိဘတ်တွေရဲ့ယုံကြည်မှုအရ အန်းကုန်း ရုပ်ထုကို ထုလုပ်ကိုးကွယ်မယ်၊ ဂါထာတွေကို ရွက်မယ်ဆိုရင် သေလွန်တဲ့အခါ တာဝတိံသာရောက်ပြီး အရိမေတ္တေယျ ဘုရားလောင်းနဲ့ ဖူးတွေ့ရမယ်လို့ဆိုပါတယ်။

အန်းကုန်းရဲ့ ရုပ်ထုတော်ဟာ အမြဲပြုံးနေတတ်ပြီး ၊တည်ငြိမ် ၊အေးချမ်းတဲ့ အသွင်ကိုဆောင်ပါတယ်။ သူရဲ့ ဘယ်ဖက် လက်မှာ ကြာပန်းကို ကိုင်ထားပြီး၊ အဲဒီကြာပန်းဟာ ဓမ္မစကြာတရားဦးဒေသနာကို ကိုယ်စားပြုတယ်လို့ ဆိုပါတယ်။ ညာဖက်မှာ varad mudra ခေါ် စိတ်ပုတီးကိုလည်း ကိုင်ဆောင်တတ်ပါတယ်။ ဒါကတော့ စီးပွားရေး အတွက် အကူအညီလို့လည်း အဓိပ္ပါယ်ကောက်ယူကြပါတယ်။

အုန်းကုန်း ရုပ်ထုများကို များသောအားဖြင့် ကြာပန်းပေါ်မှာ ထိုင်နေတဲ့ပုံကို ထုလုပ် ကိုးကွယ်လေ့ရှိပြီး ပျော်ရွှင်စေတဲ့ ဗုဒ္ဓ၊ ထာဝရမိခင်ကြီးသဖွယ် သတ္တဝါတွေကို သနားကြင်နာတတ်တဲ့ ဗုဒ္ဓ၊ အားနည်း သူကို အားပေးသူ၊ အမှန်တရား ဖက်မှ ရပ်တည်သူအဖြစ်လည်း ယုံကြည်ကြပါတယ်။ ထို့အတူ ပညာအရာမှာလည်း အရိမေတ္တေယျကို အားထားကြပါတယ်။
ကိုးရီယာကတော့  အန်းကုန်းကို - ကလေးမွေးပေးသူ ၊ ကလေးတွေကို စောင့်ရှောက်သူအဖြစ် ယုံကြည်ကြပါတယ်။ ဒါကြောင့် တချို့ အန်းကုန်း ရုပ်ပွားတွေမှာ ကလေးတွေနဲ့ တပွေ့တပိုက် တွေ့နိုင်ပါတယ်။

ဂျပန်လူမျိုးတွေကတော့ ယောက်ျား၊ မိန်းမ ဆက်ဆံရေးမှာ အဆင်ပြေအောင် ကူညီဆောင်ရွက်သူအဖြစ်လည်း ယုံကြည် ကိုးကွယ်ကြပါတယ်။

                                   အန်းကုန်း  ဗိုက်ပူရခြင်းအကြောင်း…

အန်းကုန်းကို  ဖျင်လွယ်အိတ်ကြီးလွယ်ထားတဲ့ ရဟန်းတစ်ပါးအနေနဲ့လည်း တွေမြင်နိုင်ပါတယ်။ Chan မင်းဆက်လက်ထက် ( 907- 1060) Cheking ပြည်သား ရဟန်းတစ်ပါးကို အကြောင်းပြုပြီဖြစ်လာရတာပါ။

အဲဒီ တရုတ်ရဟန်းတော်ဟာ Tang မင်းဆက်အပြီး Wu-Tai မင်းဆက်မှာ ခရီးသွား သာသနာပြု ရဟန်းတစ်ပါး အဖြစ် ထင်ရှားပါတယ်။ သူဟာ ရဟန်းတစ်ပါးလို သင်္ကန်းဝတ်သော်လည်း အလွန်အေးချမ်းလှသော ဆောင်းရာသီတွင်  စနိုးပေါ်မှာ မအေးမချမ်း ၊ မစွတ်စိုပဲ ၊ နေနိုင်တယ်လို့ ဆိုပါတယ်။  နောက်ပြီး သူဟာ အတိတ်၊ အနာဂတ်ကို မြင်နိုင်၊ ကြားနိုင်သူရယ်လို့လည်း ထင်ရှားပါတယ်။ တချို့မှတ်တမ်းတွေ အရဆိုရင် သူမှာ နောက်မျက်စေ့ ပါတယ်လို့တောင် ဆိုကြပါတယ်။

တခါတရံမှာ သူဟာ  သူ့လိုအပ်ချက်မျာ သယ်ဆောင်ဖို့ လွယ်အိတ်ကြီးကြီး လွယ်ထားတဲ့ ယောဂီအဖြစ်နဲ့လည် ဖူးတွေ့ရပါတယ်။ နောက်ပိုင်းမှာတော့ သူကို လူတွေက “ အရိမေတ္တေယျ” ဘုရားလောင်းအဖြစ် ကိုးကွယ်လာကြပါတယ်။ သူ ပျံလွန်တော်မူပြီးနောက်   အရိမေတ္တေယျ  ဘုရားလောင်းခေါ် အန်းကုန်းကို ကိုးကွယ်တဲ့သူတွေဟာ အဲဒီ တရုတ်ရဟန်းတော်ရဲ့ ပုံကို ၊ ပုံတူယူပြီ  ဗိုက်ပူကြီးနဲ့ ထုလုပ်လာတယ်လို့ သမိုင်းအထောက် အထားများအရ သိရပါတယ်။ အနောက်တိုင်းသားတွေကတော မိန့်မိန့်ကြီး ပြုံနေတာကိုကြည့်ပြီး Happy Buddha လို့ ခေါ်ဝေါ်တတ်ကြပါသေးတယ်။

နောက်ပိုင်းး ကာလရွေ့လျောလာတာနဲ့မျှ ကိုးကွယ်အားထားမှုများလည်း အမျိုးမျိုးကွဲပြားလာပြီး အမျိုးသမီးများက အန်းကုန်းရဲ့ ဗိုက်ပူကြီး ကို ပွတ်ပေးရင်.. မိမိလိုချင်တဲ့ သား၊သမီးကို ရနိုင်တယ်လို့ ယုံကြည်လာတာကြောင့် အမျိုးသမီး တော်တော်များများက အန်းကုန်းရဲ့  ဗိုက်ကြီး ပွတ်သပ် ပူဇော်တတ်ကြပါတယ်။

အန်းကုန်းရဲ့ နောက်ခံသမိုင်းကို တိတိကျကျ မသိကြတဲ့ မြန်မာတရုတ်များကတော့ တရုတ်နှစ်သစ်ကူးမှာ စီးပွားဥစ္စာ တိုးတက်အောင်လို့ဆိုပြီး စားစရာ၊ သောက်စရာ ဝိုင်အရက်တို့ဖြင့်  အန်းကုန်းဘိုးတော်ကုို ဆက်သတက်ကြပါတယ်။

အန်းကုန်းနောက်ခံသမိုင်းကို  ထေရဝါဒ နည်းဖြင့် လေ့လာကြည့်သော်

               အရိမေတ္တေယျ ဘုရားလောင်း အဇိတမင်းသား ရဟန်းပြုခြင်း

အဇာတသတ်မင်းကြီး၏ မိဖုရား ကဉ္စနဒေဝီ တို့၏ သားဖြစ်သောကြောင့် အဇိတဟု ခေါ်ပါတယ်။  ခမည်းတော် အဇာတသတ်မင်းကြီးသည် “ မြတ်စွာဘုရား၏ အမွေတော်ကို ခံတော်မူပါ”ဟု တိုက်တွန်းချက် ကြောင့် နောက်ပါမင်းသား ငါးရာခြံရံလျှက် ဝေဠုဝန်ကျောင်း၌ ရဟန်းပြုတော်မူသည်။  ထိုနောက် အဇိတ မထေရ်ဟု အမည်ရကာ မြတ်စွာဘုရားနှင့်အတူ ကပိလဝတ်ပြည် နိဂြောဓာရုံ ကျောင်းတွင် သတင်းသုံတော် မူသည်။

                                        ပဇာပတိဂေါတမီရဲ့ ရွှေသင်္ကန်း

မိထွေတော် ဂေါတမီသည် မိမိကိုယ်တိုင် စိုက်ပျိုး၊ ယက်လုပ် ချုပ်စပ်ထားသေား ရွှေသကန်းကို မြတ်စွာဘုရား အား လှူဒါန်းသောခါ မြတ်စွာဘုရားက တစ်ထည်သာ အလှူခံပြီး ၊ ကျန်တစ်ထည်ကို သံဃာတော်အား လှူဒါန်း စေပါသည်။  သို့သော် အဖိုးတန်သော မိထွေးတော် လှူသော ရွှေသင်္ကန်းကို  အရှင်သာရိပုတ္တရာစသော ရှစ်ကျိပ်သော မထေရ်တို့သည် အလှူမခံဝံ့ကြပါ။  ထိုအခါ  ဘုရားလောင် အရိမေတ္တေယျကား  မိထွေးတော် အကျုိုးကို မျှော်ခိုး၍ သံဃာ့ပရိတ် အလယ်၌ မကြောက်မရွံ့ ရဲ့ရဲ့ဝံ့ဝံ့ အလှူခံတော်မူပါသည်။

ဤအချင်းအရာကို မြင်ကြတဲ့ ပုထုဇဉ်ရဟန်းများက .. မဟာသာဝကများပင် အလှူမခံဝံသော  ရွှေသင်္ကန်းကို အညတြရဟန်းလေးက  အလှူခံသတဲ့ ဟု ကဲ့ရဲ့ပြင်တင် ရှုတ်ချသောအခါ.. မြတ်စွာဘုရားက.. ဤရဟန်း လေးသည် သာမညမဟုတ် ပါရမီဆယ်ပါး ကို ဖြည့်ဆီးနေသော နောင်အခါပွင့်မည့် ဘုရားလောင် မေတ္တေဖြစ်ပါသည်ဟု ဇာတ်ကြောင်းစုံလင်ကို ဟောပြတော်မူသည်။

                                သပ်ိတ်တော် ကောင်းကင်လွှတ်၍…

ထိုနောက် ဘုရားရှင်က အာနန္ဒာဆီမှ နတ်သားလေးယောက် ကယ်လှူထားသော မြသပိတ်ကို လက်ဝါးပေါ် တင်၍ လွှတ်တင်လိုက်လေသော် မြတ်သပိတ်သည် အတိုင်းမသိ စကြာဝဠာကို လွှမ်း၍ သွားလေ၏။ ထိုသပိတ်ကို ရှစ်ကျိပ် မထေရ်ကြီးတို့အားလည်းကောင်း ၊ အခြားရဟန်းတို့အားလည်းကောင် ယူစေသော်လည်း  တစ်ပါးမှ အယူဆောင်နိုင်ခြင်းမရှိ။ နောက်ဆုံး မြတ်စွာဘုရား ခိုင်းစေချက်ကြောင့် အဇိတထေရ် ယူဆောင်တော် မူလေသည်။

ထိုနောက် မိမိအလှူခံရသော ရွှေဖျဉ်စကို မြတ်စွာဘုရား၏ ညောင်စောင်းထက်မှာ ဗိတာန်ကြက်၍ မျက်နှာချက် လုပ်လှူပြီး ဤကောင်းမှုကြောင့် တပည့်တော်ဘုရားဖြစ်သည့်အခါ တဆယ့်နှစ်ယူဇနာရှိသော မျက်နှာ ဗိတာန် ဖြစ်ပါစေဟု ဆုတောင်းတော်မူသည်။

အရှင်အာနန္ဒာရဲ့ လျှောက်ထားချက်ကြောင့် မြတ်စွာဘုရားက အဇိတမင်းသားအား ဤဘဒ္ဒကမ္ဘာ၌ အရိမေတ္တေယျ ဘုရားလောင်းဟု ဗျာဒိတော်ပေးတော်မူပြီး  အရှင်သာရိပုတ္တရာ လျှောက်ထားချက်ကြောင့် အနာတဝင်ကျမ်း ဟောတော်မူသည်။

                                       ငါးပါးသော ကွယ်ခြင်း

၁) ပဋိသမ္ဘိဒါခေတ်ကွယ်ခြင်း။
၂) မဂ်၊ ဖိုလ်ကွယ်ခြင်း
၃) အကျင့်ကွယ်ခြင်း
၎) ပရိယတ္တိ ပိဋကတ်သုံးပုံ ကွယ်ခြင်း
၅) သံဃာကွယ်ခြင်း

၁) အနှစ်ငါးရာကျော် တစ်ထောင်းအတွင်း ပဋိသမ္ဘိဒါလေးပါးပြည့်စုံသော ရဟန္တာကွယ်မည်။
၂) ထိုနောက် သောတာပတ္တိဖိုလ်၊ သကဒါဂါမိဖိုလ်၊ အနာဂါမိဖိုလ်သာ ရနိုင်တော့မည်။
၃) ရဟန်တော်များ ပါရာဇိက သာလျှင်စောင့်ခြင်း အနှစ်တစ်ထောင်တည်ပြီးနောက် အကျင့်သီလ ပျက်စီးပြီး အကျင့်ကွယ်လိမ့်မည်။
၎) မင်း၊ မူးမတ်၊ တိုင်းပြည်အုပ်ချုပ်သူ ၊ စစ်သူကြီး၊ ရပ်ရွာလူကြီးတို့ တရားမစောင့်ခြင်းကြောင့် မိုလေးလေဝသ ခေါင်းပါးမည်၊ ပစ္စည်းလေးပါ ထောက်ပံမည့်သူရှားပါ၍၊ ပရိယတ္တိတာဝန် မထမ်းဆောင်နိုင်ကြတော့ပဲ ပဋ္ဌာန်း  ကျမ်းမှစတင်၍ ကျမ်းကြီး ကျမ်းငယ် အသွယ်သွယ် ကွယ်ကြမည်။
၅) နောက်ဆုံ သင်္ကန်းမဝတ်ကြတော့ပဲ သံဃာရဲ့အသွင်အပြင်ကွယ်မည်။

သာသနာကွယ်ပြီးနောက် နိမ္မိတဗုဒ္ဓက တန်ခိုးပြကာ တရားဟောခြင်းဖြင့် ကုဋေတစ်သိန်းသော နတ်၊ ဗြဟ္မာအပေါင်း ကျွတ်တန်းဝင်မည်။

                              ဆုတ်ကပ် အပိုင်းအခြား..

ထိုနောက် လူလောကသည် အမိုက်အတိဖြစ်၍ အသက်တိုကာ ငါးနှစ်သာ ရှိသော ယောက်ျား၊ မိန်မ အိမ်ထောင်ပြုလိမ့်မည်။ ကပ်ကြီးသုံးပါဆိုက်ရောက်ကာ နတ်ပြည် ၊ ငရဲပြည် ၊ ပြိတ္တာပြည်သို့ရောက်ကြလိမ့်မည်။

ထိုအခါ ဝိသကြုံနတ်သားက  .. လူတွေသည် ယနေ့မှစ၍ (၇) ရက်တိုင်းသော် အချင်းချင်း သတ်ဖြတ်စားလတ္တံ၊ စားသောက်ပြီး အရိုးအသားတို့ပြည့်လတ်သော် မိုးကြီးရွာချ၍ ပုန်းအောင် နေသူတို့ ကောင်းမွန်စွာ သီလ ဆောက်တည်နေကြလိမ့်မည်ဟု ကြေညာသော်  သီတင်းသီလ ဆောက်တည်သူတို့သာ လူလောကတွင် ကျန်ရစ်လိမ့်မည်။

                                တက်ကပ်အပိုင်းအခြား

လူတိုသည့် ဆယ်နှစ်မှ စ၍ အသင်္ချေယျထိ တက်သွား၏။ ထိုနောက် ပြန်လည်ဆုတ်ကာ  တစ်သိန်းတန်းသို့ ရောက်သောအခါ လူတွေသည် နတ်သားတမျှ  ကျန်းကျန်းမာမာ ပြည့်ပြည့်စုံစုံ နေရတော့သည်။

                                 အရိမေတ္တေယျဘုရားလောင်း ပဋိသန္ဓေယူ

ရတနာ (၇)ပါး ဆင်း၊ မြင်း၊ရထားစသော ဗိုလ်ပါ (၇) ပါးနှင့်ပြည့်စုံသော ကေတုမတီပြည်ကြီးမှာ  သင်္ခစကြာဝတေး မင်း စိုးစံလိမ့်မည်။  စကြာဝတေမင်းရဲ့ တန်ခိုးကြောင့် တိုင်းပြည်မှာ သာယာလျှက်ရှိပြီး ၊ ဥတု သုံးပါးလည်း မျှမျှတတရှိလှ၏။ ဤအချိန်က လူပြည်သည် တာဝတိံသာ နတ်ပြည်နှင့် ထူးမခြားလှပေ။

ထိုအခါ မေတ္တယျဘုရားလောင်း (၁၆) သင်္ချေ ကမ္ဘာတစ်သိန်း ပါရမိပြည့်၍ တသောင်းသော စကြာဏဠာမှ နတ်ဗြဟ္မာတို့ရဲ့   တောင်းပန်မှုကြောင့် တုသိတာ နတ်ပြည်မှ  (၁၈) ကုဋေသော အခြံအရံနှင့်တကွ ကေတုမတိ မင်းနေပြည်တော် သင်္ခစကြာဝတေးမင်း၏ ဆရာ သုဗြဟ္မပုဏ္ဏားကြီးနှင့် ဗြဟ္မဝတီ မည်သော ပုဏ္ဏေမတို့၌ ပဋိသန္ဓေတည်ပြီး ဣသိပတန သမင်းတောမှာ  မွေးဖွားပြီးလျှင် “ အဇိတ” အမည်ခေါ်ကြလိမ့်မည်။

                             လောကစီးစည်နှင့် အိမ်ထောင်ဖက်

အဇိတမင်းသာလေးသည် လောကီစည်းစိမ် အထွေထွေကိုခံစားပြီး စန္ဒမိုခီမည်သော မိဖုရားနှင့် အိမ်ထောင်ကျကာ အနှစ် တစ်သောင်းခန့်တွင် ဗြဟ္မာဝံသ အမည်ရသော သားတော် တစ်ပါး ဖွားမြင်မည်။

                            ဘုရားလောင်း တောထွက်ခန်း နှင့်ဘုရားဖြစ်ခန်း

နိမိတ်ကြီးလေးပါးမြင်၍ တောထွတ်တော်မူမည်။  သက်တော်ကာ တသိန်းတန်းဖြစ်၍ အနှစ်ရှစ်သောင်း နေရလိမ့်မည်။ အရိမေတ္တေယျဘုရားလောင် အရပ်တော်ကား အတောင်ရှစ်ဆယ်၊ မျက်တွင်းတော်၊ ခံတွင်းတော်တို့ ငါးတောင်စီရှိပြီး နာရွက်တော် အစောက်လည်း ငါးတောင်ရှိလိမ့်မည်။  အရိမေတ္တေယျသည် ကံကော်ဗောဓိမဏ္ဍိုင် အဆင်းနှင့်တူသော တလင်းပြင်၌ ကောင်းကင်မှ သက်ဆင်း၍ (၆) နှစ် ဒုက္ကရစရိယာ ကျင့်တော်မူမည်။  စန္ဒမုက္ခီ မိဖုရားရဲ့ နို့ဆွမ်းကို ဘုဉ်ပေးတော်မူပြီး မဟာမဏ္ဍိုင် ကံကော်ပင် အောက်ဝယ် ဥာဏ်စဉ်လေးပါးကို အဆင့်ဆင့် သိတော်မူမည်။ ဘုရားဖြစ်ပြီသော အခါ “ဗုဒ္ဓရာဇာ”   ဟု အမည်ခေါ်လိမ့်မည်။
ရှေးဘုရားများ နည်းတူ တရားဟောရန်  ၊ ရွှေမဏ္ဍပ် ၊ ရွှေခေါင်းလာင်းကြီးများ ပေါ်ပေါက်လာမည်။  သတ်တော် ရှစ်သောင်းစေ့သော် ပရိနိဗ္ဗာန်စံဝင်ပြီး  သာသနာတော် အနှစ်သုံးသိန်ရှစ်သောင်း ထားရှိခဲ့မည်။

                                အရိမေတ္တေယျ ဘုရားဖူးမြင်ခွင့်ရမည့်သူများ

၁) သာသနာတော်၌ ကောင်းစွာ ရဟန်းပြု၍ ဝိနည်းတော်နှင့်အညီး ကျင့်ကြံနေထိုင်သူ။
၂) မိမိ၏ သား၊ သမီး မြေးတို့ကိုလည်းကောင်း ၊ သူတစ်ပါး သား၊ သမီးတို့ကိုလေည်းကောင်း ရှင်ပြု   ရဟန်းခံပေးသူ။
၃) မိဘကိုလုပ်ကျွေးသူ။
၎) သရဏဂုံ၊ ငါးပါးသီလ၊ ကမ္မဋ္ဌာန်းဘာဝနာကို မပြတ်ပွားများသူ။
၅) သာသနာတည်စိမ့်သောငှာ စေတီ၊ ပုထိုး၊ ဘုရား၊ ကျောင်း ၊ ကံ ၊ ဇရပ် တည်ဆောင်လှူဒါန်းသူ၊ ဗောဓိညောင်ပင် စိုက်ပျိုး လှူဒါန်းသူ၊
၆) ရဟန်းသံဃာတို့အား ပစ္စည်းလေးပါး လှူဒါန်းသူ၊ ညောင်ရေသွန်းလောင်းသူတို့သည် အရိမေတ္တေယျ ဘုရားကို ဖူးတွေ့၍ ကျွတ်တန်း ဝင်ကြလိမ့်မည်။

အရိမေတ္တေယျဘုရား သာသနာ သုံသိန်းခြောက်သောင်း ကွယ်လတ်သော် ကမ္ဘာကြီး ဘုရားမပွင့် ဆိတ်သုဉ်းပြီး သုညကမ္ဘာအဖြစ် ကမ္ဘာတစ်သိန်းဖြစ်လိမ့်မည်။

                              အရိမေတ္တေမြတ်စွာဘုရား ထူးခြားချက်

အရိမေတ္တေယျ မြတ်စွာဘုရားသည် သွားလေရာ၊ နေလေရာတိုင်း၌ ရွှေဝါရောင် တောက်ပနေ၏။ ထိုသို့ဖြစ်ဖြစ်ရခြင်းမှာ ပါရမိဖြည့်စဉ်က မြတ်စွာဘုရားအား ပင်ပန်းကြီးစွာ ခန္ဓာကိုယ်အရင်းပြု၍ သွားရောက်ဖူးမျှော်ပြီး မိမိဦးခေါင်းကို လးက်သဲနှင့်လှီးဖြတ်ပြီး ပူးဇော်ကာ.. “တပည့်တော်သည် အရှင်ဘုရားကဲ့သို့ သစ္စာလေးပါးတရားကို ဟောပြနိုင်သော ဘုရားဖြစ်ပြီး ၊ အကျွုန်ုပ်ကိုယ်တော်သည်လည်း နေ့ညဥ့်မပြတ် ကိုယ်ရောင် ကိုယ်ဝါ တောက်ပပါစေသတည်းဟု ဆုတောင်းချက်ကြောင့်ဖြစ်ပါသည်။

         ( မဟာဗုဒ္ဓဝင်ကျမ်းနှင့် အင်တာနက် အန်းကုန်း အထောက်အထားတို့ကို စုစည်းတင်ပြပါသည်)