ဤထူးခြားတဲ့လက္ခဏာတော်ကြောင့် မြတ်ဗုဒ္ဓဟာ နောက်လိုက် နောက်ပါ ရဟန်း၊ ရဟန်းမ၊ ဒကာ၊ ဒကာမ ဆိုတဲ့ တပည့်ပရိတ်သတ်လေးမျိုး အခြံအရံပေါများလှပါတယ်။ လူတွေသာမက နတ်ဗြဟ္မာ ပရိတ်သတ်တွေပါ ခြံရံနေပါတယ်။ ထူးခြားတာက မြတ်ဗုဒ္ဓ တောတောင်တွေထဲမှာ သီတင်းသုံးတဲ့အခါ ၊ တရားဟောတဲ့အခါ ကြမ်းတမ်းလှပါတယ်ဆိုတဲ့ ခြင်္သေ့ သစ် ကျား စတဲ့ အသားစား တိရစ္ဆာန်တွေတောင် မြတ်ဗုဒ္ဓနဲ့တပည့်ရဟန်း တွေကို ရန်မမူပဲ မြတ်ဗုဒ္ဓရဲ့ တရားသံကို နာလည်သကဲ့သို့ ငြိမ်သက်စွာနားထောင်လေ့ရှိပါတယ်။
ထူးခြားရခြင်းမှာ..
မြတ်ဗုဒ္ဓသည် ပါရမီဖြည့်စဉ်ကာက ဘဝများစွာမှာ အလှူဒါန လုပ်မယ်ဆိုရင် အခြံအရံနှင့်တကွလုပ်လေ့ရှိ ပါတယ်။ ဥပမာ .. သင်္ကန်းလှူမယ်ဆိုရင် ဆွမ်းစသည်ပါ လှူတတ်ပါတယ်၊ ဆွမ်းလှူတယ်ဆိုရင်လည်း ဆွမ်းနှင့်အတူ သင့်တော်ရာ ပစ္စည်းများပါလှူလေ့ရှိပါတယ်။ ကျောင်လှူတယ်ဆိုရင်လည်း ကျောင်းနှင့်တကွ ကျောင်းအသုံးအဆာင် အားလုံး ပါဝင်လှူဒါန်းလေ့ရှိပါတယ်။
ဘဝတိုင်းမှာ အခြံအရံတွေ ဝန်းရံစေဖို့ အလှူဒါနလုပ်တဲ့အခါမှာ မြတ်ဗုဒ္ဓကဲ့သို.. အလှူဒါန လုပ်မယ်ဆိုရင် အခြံအရံ ပစ္စည်တွေနှင့်တကွ ပြည့်ပြည့်စုံစုံ ..စုံစုံလင်လင်..မြိုင်မြိုင်ဆိုင်ဆိုင်ကြီး လှူဒါန်းနိုင်ပါစေ..။
No comments:
Post a Comment