မွန်မြတ်တဲ့ လျှပ်တပြက် ကုသိုလ်

မြတ်စွာဘုရား သာဝတ္တိပြည်ဇေတ၀န်ကျောင်းမှာ သီတင်းသုံးနေစဉ်အခါက ဒကာဒကာမတွေဟာဥပုသ်နေ့ရောက်ပြီဆိုရင်မနက်ပိုင်းမှာ အဝတ်ဖြူလေးတွေဝတ်ပြီး ဘုရားကျောင်းကိုသွားလေ့ရှိပါတယ်။ ကျောင်းရောက်တဲ့အခါ ကိုယ်တတ်နိုင်သလောက် ဆွမ်းဒါနပြုပြီး နေ့လည်ပိုင်းမှာတော့ ကိုယ်နဲ့အကျွမ်းဝင်ရာ ကိုယ်ကြည်ညိုရာ ရဟန်းတွေဆီသွားပြီး ဆည်းကပ်ကြပါတယ်။

ညနေချမ်းရောက်လာရင်တော့ တရားပွဲကျင်းပလေ့ရှိကြပါတယ်။ အလှည့်ကျ ရဟန်းတော်တွေက တရားဟောကြပါတယ်။ တရားဟောချိန်ရောက်ပြီဆိုရင်တော့ တရားပွဲရှိရာကို သွားနာကြပါတယ်။

တစ်နေ့ညနေမှာတော့ တရားဟောနေရင်းနဲ့ မှောင်သွားပါတယ်။ မှောင်သွားတာကို သတိထားမိတဲ့အမျိုးသမီးလေးတစ်ယောက်က “ဒီအချိန်မှာဆီမီးထွန်းရမယ့်အချိန်ပဲ” လို့ တွေးလိုက်ပါတယ်။ ဒါကြောင့်အိမ်ကဆီမီးကိုယူပြီး တရားဟောပလ္လင်ရှေ့မှာ ထွန်းပေးထားလိုက်ပါတယ်။ အမျိုးသမီးလေးက လှူထားတဲ့ဆီမီးလေးကိုကြည့်ပြီး ဝမ်းမြောက်လို့မဆုံးဖြစ်နေပါတယ်။တရားဆုံးတဲ့အခါမှာတော့ဝမ်းသာကျေနပ်စိတ်နဲ့ပဲ အိမ်ကိုပြန်ခဲ့ပါတယ်။ အမျိုးသမီးလေးက သူလှူလိုက်ရတဲ့ ဆီမီးအလှူလေးကို မေ့လို့မရတော့ပါဘူး။

တစ်နေ့မှာတော့ ရောဂါတစ်ခုနဲ့ပဲ ပြုခဲ့တဲ့ဆီမီးကုသိုလ်လေးကို အာရုံပြုပြီးသေလွန်သွားပါတယ်။ သေလွန်သွားတော့ တာဝတိံသာနတ်ပြည်မှာ ဇောတိရသ နတ်သမီးရယ်လို့ သွားဖြစ်ပါတယ်။ ဇောတိရသနတ်သမီးလေးရဲ့ ကိုယ်ရောင်ကိုယ်ဝါဟာ ဆီမီးလှူရတဲ့ကုသိုလ်ကြောင့် တခြားနတ်တွေထက် ပိုတောက်ပနေတယ်လို့ ဆိုပါတယ်။

တစ်ရက်မှာ အရှင်မဟာမောဂ္ဂလာန် တာဝတိံသာနတ်ပြည်ကိုကြွလာပါတယ်။ အရောင်အဝါတောက်ပမှု သူများထက်သာလွန်နေတဲ့ ဇောတိရသနတ်သမီးလေးကို တွေ့ရတော့ “ဘယ်ကုသိုလ်ကြောင့် အရောင်အဝါတွေတင့်တယ်တောက်ပနေတာလဲ”လို့မေးပါတယ်။ဇောတိရသနတ်သမီးလေးက “တရားပွဲတစ်ခုမှာ ဆီမီး လှူရတဲ့ကုသိုလ်ကြောင့် တာဝတိံသာနတ်ပြည်မှာဖြစ်ပြီး အရောင်အဝါတောက်ပနေရတာပါ”လို့ ပြန်လျှောက်ပြပါတယ်။

အရှင်မဟာမောဂ္ဂလာန်က ဇောတိရသနတ်သမီးလေးရဲ့ အဖြေစကားဆုံးတော့ ဒါနအကြောင်းကစပြီး တရားဟောပြပေးပါတယ်။ ဟောရင်းနဲ့နတ်သမီးလေး ကြည်လင်ခိုင်ခံ့တဲ့စိတ် ဖြစ်လာတဲ့အခါမှာတော့ သစ္စာလေးပါးကိုဆက်ဟောပြပေးပါတယ်။ တရားအဆုံးမှာတော့ ဇောတိရသနတ်သမီးလေးနဲ့အတူ အခြံအရံအားလုံး သောတာပတ္တိဖိုလ်တည်သွားခဲ့ပါတယ်။ (ဝိမာနဝတ္ထုအဋ္ဌကထာ- စာမျက်နှာ-၄၄)

*****************
ပြီးခဲ့တဲ့ တနင်္ဂနွေက ..၊ နောက်တစ်ပတ် ၊ မြန်မာနှစ်သစ်ကူးပွဲတော်မှာ ဓမ္မမိတ်ဆွေတွေ ဘုန်းကြီးကျောင်းအလာ စိတ်ကြည်နှုးစေဖို့ ကျောင်းဒကာတွေ ကျောင်းမှာ သန့်ရှင်းရေးလုပ်ဖို့ရောက်လာကြတယ်။ စုံစုံလင်လင်ပါပဲ။ မထင်မှတ်ပဲ ကျောင်းဒကာတွေ လျှပ်တစ်ပြက် ကျောင်းသန့်ရှင်းရေး ကုသိုလ်ထူးကို ရလိုက်တယ်။ ပြည်ပတိုင်းပြည်မှာ ၊ ပွဲတစ်ခု ၊ ကုသိုလ်တစ်ခုလုပ်ဖို့အတွက် အချိန်းတွေ အများကြီးပေး ရတယ်၊ ငွေကြေးတွေ အကုန်ကျခံရတယ်။ နောက်ဆုံးရည်မှန်းချက်ကတော့ ကုသိုလ်တစ်ခုရဖိုပါပဲ။

သန်းရှင်းရေးကုသိုလ်ကို လူတိုင်းမလုပ်လိုကြပါဘူး၊ စိတ်၊စေတနာ ထက်သန်မှ လုပ်ဖြစ်တာပါ။ ကျောင်းသန့်ရှင်းရေး လုပ်သွားတဲ့ ဒကာတို့လည်း အထက်ကဖော်ပြတဲ့ ဇောတိရသနတ်သမီးလို မမျှော်လင့်ဘဲ လျှပ်တပြက် ရလိုက်တဲ့ကုသိုလ်လေးပါ။

ဒီသန့်ရှင်းကုသိုလ်ကိုလည်း မွန်မွန်မြတ်မြတ် ပြတ်ပြတ်သားသား တန်ဖိုးထားလုပ်သွားတာပါ။

ဒီလို သန်းရှင်းရေးလုပ်ခြင်းကြောင့် အကျိုးငါမျိုးရတယ်လို့လည်း မြတ်စွာဘုရားဟောထားပါတယ်။
တံမြက်လှည်းခြင်း အကျိုး ၅-ပါးကတော့

(၁) သကစိတ္တံ ပသီဒတိ- မိမိစိတ်ကြည်လင်တယ်။
(၂) ပရစိတ္တံ ပသီဒတိ- သူတစ်ပါးစိတ်ကို ကြည်လင်စေတယ်
(၃) ဒေ၀တာ အတ္တမနာ-နတ်တို့နှစ်သက်ဝမ်းမြောက်တယ်။
(၄) ပါသာဒိက သံဝတ္တနိကံ ပုညံ ဥပစိနာတိ- ကြည်လင်ဖွယ်ကိုဖြစ်စေတတ် သောကြောင့်
ကောင်းမှုကုသိုလ်ဆည်းပူးသည်ဖြစ်တယ်။
(၅) သုဂတိံ သဂ္ဂလောကံ ဥပ္ပဇ္ဇတိ- သေသည်၏အခြားမဲ့၌ သုဂတိနတ်ရွာလားစေတတ်တယ်။

သန်းရှင်းရေး ကုသိုလ်လုပ်ခဲ့ဖူးတဲ့ဗုဒ္ဓရဲ့ မျက်နှာတော်ဟာ မြင်ရသူတိုင်း ရင်သပ်ရှုမောလောက်အောင် အလွန်တင့်တယ်ပြီး ကြည်ညိုဖွယ် ကောင်းလှပါတယ်။

ဒါ့ကြောင့် ကျောင်းဒကာတို့ရဲ့ လျှပ်တပြက် သန့်ရှင်းရေး ကုသိုလ်ဟာ ၊ သူတပါးကိုလည်း စိတ်ကြည်နှုးစေ၊ မိမိကိုယ်လည်း စိတ်ရွှင်လန်းစေတဲ့ အပြင် ၊တမလွန်ဘဝမှာလည်း ဇောတိက နတ်းသမီလေးလို့ ရုပ်ရေးချောမောလှပစေတဲ့ လျှပ်တပြက် အဖိုးမဖြတ်နိုင်တဲ့ ကုသို်လ်ဖြစ်ကြောင်းတင်ပြလိုက်ရပါတယ်။