၁၇ မြတ်ဗုဒ္ဓ၏ လည်ပင်းတော်ဟာ အများနှင့်မတူ တမူထူးခြားစွာလှပခြင်းဆိုတဲ့ လက္ခဏာ၊
၁၈ မြတ်ဗုဒ္ဓမှာ လက်ပြင်ရိုနှစ်ဖတ်ကြားမှာ အသားပြည့်ခြင်းဆိုတဲ့ ထူးခြားတဲ့ လက္ခဏာ၊
၁၉ မြတ်ဗုဒ္ဓ၏ ခန္ဓာကိုယ် အပေါ်ပိုင်းရော အောက်ပိုင်းမှာပါ ခိုင်ခိုင်မာမာ ပြည့်ပြည့်ဖြိုးဖြိုး ပြေပြေပြစ်ပြစ် သွက်သွက်လက်လက်ရှိပြီး ခြင်္သေ့လို ရင်အုပ်ကားကားနဲ့ ယောက်ျားပီသခြင်းဆိုတဲ့ လက္ခဏာများနဲ့ ပြည့်စုံပါတယ်။
ပကတိ သာမန်လူသားများရဲ့ လည်ပင်များဟာ တချို့က ကြိုကြာလည်းပင်းလို လည်ပင်းရှည်ကြီးတွေ၊ တချို့က ဗျိုင်းလည်ပင်းလို ကောက်တောက်တောက်ကြီးတွေ၊ တချို့က ဝက်လည်ပင်းလို တုတ် တိုတို ကြီးတွေ ဖြစ်နေတာကို လေ့လာတွေ့ရှိရမှာဖြစ်ပါတယ်။
ပကတိ လူသားတွေမှာ နောက်ကျောပြင် လည်ကုတ်အောက်မှာ အသားမပြည့်လို့ လက်ပြင်ရိုး နှစ်ဖက် ငေါ့ထွက်နေတာကိုလည်း တွေ့ရမှာဖြစ်ပါတယ်။
ဤလက္ခဏာများနှင့် ပြည့်စုံခြင်းကြောင့် မြတ်ဗုဒ္ဓသည် လူဘဝဆိုရင်လည်း ရရှိပြီး ပြည့်စုံပြီးတဲ့ ရွှေငွေ စတဲ့ လောကီရတနာတွေ မဆုတ်မယုတ် မပျောက်ပျက်ခြင်း၊ ဘုရားဖြစ်ရင်လည်း သဒ္ဓါစတဲ့ လောကုတ္တရာ ရတနာတွေ မဆုတ်ယုတ် မပျက်ပြားခြင်းဆိုတဲ့ ကောင်းကျိုးတွေ ရရှိ ပိုင်ဆိုင်ရခြင်း ဖြစ်ပါတယ်။
မြတ်ဗုဒ္ဓသည် ပါရမီဖြည့်စဉ်ကာလက… သတ္တဝါအများရဲ့ အကျိုးစီးပွား ချမ်းသာမှုကို လိုလားပြီး ပရဟိတ လုပ်ငန်းများကို ကြိုစားလုပ်ဆောင်ခဲ့တယ်။ လောကကြီးပွားရေးသာမက သဒ္ဓါ သီလ သုတ စတဲ့ သူတော်ကောင်း ဥစ္စာ တိုးပွားရေးကိုလည်း မျှော်တွေးပြီး ဟောပြောပြသ ဆုံးမလေ့ရှိခဲ့ပါတယ်။ ဒါကြောင့် လောကီလောကုတ္တရာ ရတနာတွေ မဆုတ်ယုတ် မပျက်ပြားခြင်းဆိုတဲ့ အကျိုးတွေ ရရှိရခြင်း ဖြစ်ပါတယ်။
ဖြစ်လေရာဘဝတိုင်းမှာ ကိုယ်ခန္ဓာ သန်စွမ်း ခွန်အားဗလများနဲ့ ပြည့်စုံဖို့ ကုိုယ် ရရှိပိုင်ဆိုင်ထားသော လောကီလောကုတ္တရာ စီးပွားဥစ္စာရတနာများ အနှောက်အယှက် ကင်းရှင်းဖို့အတွက် ပရဟိတ- အများအကျိုးပြုလုပ်ငန်များ ကိုယ်တတ်စွမ်းသလောက် လုပ်ဆောင်ခြင်း၊ သဒ္ဓါ- ယုံကြည်ခြင်း၊ သီလ- စောင့်ထိမ်းခြင်၊ သုတ- အကြားအမြင် တိုးပွားစေခြင်း စသော သူတော်ကောင်းတရားမျာ လူလောကမှာ တိုးတတ် ပြန့်ပွားဖို့ ကိုယ်နိုင်သလောက် ဟောပြောပြသ ဆုံးမကြပါလေ။
No comments:
Post a Comment