မြတ်ဗုဒ္ဓရဲ့ အသားအရေဟာ သနပ်ခါး၊ မိတ်ကပ်၊ ပေါင်ဒါ လိမ်းချယ်စရာမလိုပဲ တကိုယ်လုံး နူးညံ့သိမ်မွေ့ပြီး စိုပြေဝင်ပ လှပနေလို့ ဖူးတွေ့ရသူများအဖို့ အင်မတန်မှ စိတ်ကြည်နူးစရာကောင်းလှပါတယ်။
လူအများရဲ့ အသားအရေတွေမှာတော့ ဘယ်လိုပင် တန်ဆာပလာတွေ လိမ်းချယ်သော်ငြားလည်း နူးညံ့သိမ်မွေ စိုပြေမှုမရှိပဲ ကြမ်းကြမ်းထော်ထော် မွဲမွဲခြောက်ခြောက်ဖြစ်နေတတ်ပါတယ်။
အသားအရေနူးညံ့သိမ်မွေ့ခြင်းဆိုတဲ့ လက္ခဏာနဲ့ ပြည်စုံလို့ မြတ်ဗုဒ္ဓဟာ အရာရာမှာ သူတကာထက် သာတဲ့ ကြီးကျယ်မြင့်မြတ်သော ဥာဏ်ပညာရှိခြင်းဖြစ်ပါတယ်။ ဒါကြောင့် မြတ်ဗုဒ္ဓသည် လေးနက်သိမ်မွေ့လှတဲ့ ကောင်းခြင်းသုံးဖြာနဲ့ ပြည်စုံတဲ့ တရားဓမ္မတွေ၊ သိမ်မွေ့နက်နဲခက်ခဲလှတဲ့ မေးခွန်းပုစ္ဆာတွေကို ဖြေဆိုနိုင်ခြင်းဖြစ်ပါတယ်။
အသားအရေစိုပြေလှပခြင်း၊ ဥာဏ်ပညာထက်မြတ်ရခြင်းမှာ မြတ်ဗုဒ္ဓသည် ပါရမိဖြည့်စဉ်ကာလက.. “မမေး မမြန်း ဥာဏ်မြင်ကန်း စုံစမ်းဥာဏ်ကြီးသည်” ဆိုတဲ့အတိုင်း ပညာရှိသူတော်ကောင်းများကို ဆည်းကပ်ပြီး ကုသိုလ်တရားဆိုတာ ဘယ်လိုဟာပါလဲ၊ ဘယ်လိုတရားမျိုးကို လိုက်နာပြုကျင်ရင် ကောင်းကျိုးရနိုင်မလဲ စသည်ဖြင့်သိမ်မွေ့တဲ့ အကြောင်းအရာတွေကို မေးမြန်မှတ်သာ လိုက်နာကျင့်သုံးခဲ့ခြင်းကြောင့်ဖြစ်ပါတယ်။
ဒါကြောင့် ဖြစ်လေရာဘဝတိုင်းမှာ အသားအရေ စိုပြေလှပ ဥာဏ်ပညာကြီးမားစေဖို့.. ကိုယ်သင်ထား တတ်ထား ပညာလေးလောက်နဲ့ ကျေနပ် တင်းတိမ် မနေပဲ မေးပါ၊ လေ့လာပါ၊ မှတ်သားပါ၊ ဆွေးနွေးကြပါ။
No comments:
Post a Comment