ဒကာ ‘ အရှင်ဘုရား တပည့်တော် ဘုရားဆင်းတုတော်တွေ ကိုးကွယ်တာနဲ့ ပတ်သတ်လို့ မေးစရာရှိလုိ့ဘုရား’
‘ဆရာ မေးလေ.. ဘုန်းဘုန်းလည်း သိသလောက်တော့ ဖြေရမှာပေါ့’
ဒကာ ။ ။‘ဒီလိုဘုရား သက်တော်ထင်ရှား မြတ်စွာဘုရားကို အာရုံပြုဖို့ တပည့်တော်တို့ ရုပ်ထုတွေ စေတီတွေ တည်ထားကိုးကွယ်ကြတယ်။ ဒီလောက်အထိက တပည့်တော် လက်ခံသေးတယ်။ ဒါပေမယ့်..ဘုရာဆင်းတုတော်တွေကို ပုံစံမျိုး၊ အရွယ်အစားမျိုးစုံနဲ့ ထုလုပ်ကြတယ်။ ဗုဒ္ဓဘာသာဝင် အိမ်တိုင်းမှာလိုလိုလည်း သေးသေးမွှားမွှား ဘုရားရုပ်ထုတွေ ကိုတွေ့နေရတယ်။ တပည့်တော် အဲဒီရုပ်ထုပ် သေးသေးမွှားမွှားလေးတွေကို ဘယ်လိုအာရုံပြုရမလဲဘုရား’
ဆရာ။ ။အိမ်း ဒကာစဉ်းစားမယ်ဆိုလည်း စဉ်းစားစရာပဲ။ ဘုရားခေတ်က ဓာတ်ပုံပညာမထွန်း ကားသေးဘူးထင်ပါတယ်။ မြတ်စွာရားရဲ့ ဓာတ်ပုံစစစ် သမိုင်းမှတ်တမ်းမှာ မကျန်ခဲ့ဘူး၊
မြတ်စွာဘုရားပရိနိဗ္ဗာန်စံပြီး နှစ်ပေါင်း ငါးရာလောက်ကျမှ ရုပ်ထု ကိုးကွယ်မှုတွေ ပေါ်ပေါက်လာတာဒကာ။
အဲဒီအခါကျတော့ ဘုရားရုပ်ထုတဲ့သူတွေက မြတ်စွာဘုရားရဲ့ဂုဏ်တော်တွေ၊ ဘုန်းတန်ခိုးတွေ ၊ ၃၂-ပါးသော ယောကျာ်မြတ်တို့၏ လက္ခဏာတွေကို ကြည့်ပြီး ဗုဒ္ဓရုပ်ပွားတော်ကို ထုလုပ်ကြတယ်ဒကာ။
အဲဒီလို ထုလုပ်တဲ့အခါကြတော့ .. ထုလုပ်တဲ့ဒေသ၊ ထုလုပ်သူရဲ့ဆန္ဒ၊ ရည်ရွယ်ချက်တွေ ပေါ်မူတည်ပြီး ပုံစံမျိုးစုံ၊ အရွယ်အစားမျိုးစုံဖြစ်လာရတာပေါ့။
ဒါကလည်း မြတ်စွာဘုရား ဘုန်းတော်၊လက္ခဏာတော်တွေနဲ့ ကြည်ညိုတတ်မယ်ဆိုရင် စိတ်ကြည်နှုးစရာတွေ ပြီးပါပဲ။
ဒကာ။ ။ “ဘယ်လို ကြည်ညိုရမလား ဆက်ပြောပါဦးဘုရား”
ဆရာ။ ။အိမ်တစ်အိမ်မှာ အလွန်အင်မတန်သေးငယ်တဲ့ ဗုဒ္ဓရုပ်ပွာတော်ကို ဖူးတွေ့ရတယ်ဆိုရင်.. မြတ်စွာဘုရားရဲ့ “ “အဏိမာ” ဘုန်တော်ကို အာရုံပြုကာ ကြည်ညိုရမယ်ဒကာ။
ဒကာ။ ။ထပ်ရှင်းပါဦးဘုရား
ဆရာ။ ။ဘုရားရှင်တို့မည်သည် ဖန်းဆင်းလိုက်မယ်ဆိုရင် ကိုယ်တော်ကို အဏုမြုမှုန်မျှ အလွန်သေးငယ်အောင် ဖန်ဆင်းတောမူပြီး ပရိက္ခရာရှစ်ပါး လွယ်တော်မှု၍ မုန်ညင်းစေ့အတွင်း စင်္ကြံကြွနိုင်တယ်။ အနီးအပါး၌ ရှိနေသူကိုလည်း မမြင်ရအောင် ကိုယ်တော်ကို ကွယ်ပျော်တော်မူနိုင်တယ်။
ဒကာ။ ။ကျမ်းဂန်းမှာ အထောက်အထားတွေရှိပါသလားဘုရား
ဆရာ။ ။ရှိပါတယ်ဒကာ။
ဘုရားရှင်လက်ထက်က ‘ဗက’ ဗြဟ္မာကြီးဟာ သူကိုယ်သူ အမြဲတည်၍ တန်းခိုအကြီးဆုံးဟု ထင်ရုံမျှမက တစ်လောကလုံးကို သူဖန်ဆင်းထားတယ်လို့ အယူသည်းနေတယ်။ လက်အောင်ဗြဟ္မာများကလည်း ဗကဗြဟ္မာကြီးထင်ထားသလိုပဲ ထင်နေတြတာ။
ထိုမှားယွင်းချက်များကို ရှင်းပြချင်လို့ မြတ်စွာဘုရား ဗြဟ္မာပြည်ကို ကြွတော်မူတယ်။ ထို့နောက် ဗြဟ္မာပရိတ်သတ်အလယ်တွင် ဗကဗြဟ္မာကြီးအား “ သင်ဟာ အရှေ့အနောက် အလုံးစုံကို အကုန်မသိနိုင်ပါဘူးလို့ ခပ်နှိပ်နှိပ်စကားကိုပြောလိုက်တယ်။
ဒီတော့ ဗကဗြဟ္မာကြီးက ခပ်ရှက်ရှက်နဲ့ “ အသင်ရဟန်းကြီးအား ကျွုနုပ်တန်ခိုးသိရအောင် ကိုယ်ဖြောက်ပြမယ်လို့ ဆိုကာ ကိုယ်ဖျောက်ပြသော်လည်း လုံးဝကိုယ်မဖျောက်နိုင်ဖြစ်သွားတယ်။ ထို့နောက် ရှက်ကိုးရှက်ကန်းနဲ့ ဗိမာန်အောင် ဝင်လို ဝင်၊ ပဒေသာပင်အောင် ပုန်းလို့ပန်းနဲ့ တစ်ကိုယ်လုံး ပုပြီး ငုတ်စုစ ဆောင်ကြောင်ထိုင်သော်လည်း ဘယ်လိုမှ ကွယ်ပျောက်မသွားသဖြင့် အရှက်ရကွဲရှာဖူးတယ်။
ဘုရားရှင်ကတော့ “ ကိုယ်တော် ဖျောက်ပြမည်”ဟုဆိုကာ တစ်ခါတည်းပျောက်သွားတယ်ဒကာ။
ဒကာ။ ။မှန်ပါ့ဘုရား။
တပည့်တော် သေးငယ်တဲ့ ဘုရားဆင်းတုတော်တွေကို ဖူးတွေ့ရတိုင်း အရှင်ဘုရားအမိန့်ရှိတဲ့ အတိုင်း အဏိမာဘုန်းတော်ကို အာရုံပြုကာ ကြည်ညိုပါမယ်ဘုရား။
ဒကာ။ ။ဒါနဲ့ တပည့်နောက်တစ်ခု မေးချင်သေးတယ်ဘုရား။
ဒိလိုဘုရား ဗောဓိတစ်ထောင်က အင်မတန်ကြီးမားတဲ့ ဘုရားကြီးတွေလို၊ အင်မတန်ကြီးမားတဲ့ ရွှေသာလျောင်းတွေကို ဖူးတွေ့ရရင်ကော ဘယ်လို အာရုံပြုကာ ကြည်ညိုရမလဲဘုရား။
ဆရာ။ ။ ဒီလို အင်မတန်ကြီးမားတဲ့ ရုပ်ထုတော်တွေကို ဖူးတွေ့ရရင် “ မဟိမာဘုန်းတော်- ကိုယ်တော်ကို ပကတိ အနေထက်ကြီး မားအောင် ဖန်းဆင်းနိုင်တဲ့ ဘုန်းတော်ကို အာရုံပြုကာ ကြည်ညိုပွားများရမယ်ဒကာ။
ဒကာ။ ။ထပ်ပြီးအကျယ်ရှင်းပြပါဦးဘုရား။
တစ်ခါတုန်းက အမြင့်အားဖြင့် ယူဇနာလေးသောင်းရှစ်ထောင်ရှိတဲ့ ရာဟုအသူရိန်နတ်မင်းကြီးက ဗုဒ္ဓရဲ့ ဂုဏ်သတင်းတွေကို ကြားရလို့ ဖူးတွေ့ချင်စိတ်ဖြစ်သတဲ့။ ကိုယ်ခန္ဓာအင်မတန်ကြီးမားတဲ့ အသူရိန်က လူသားဖြစ်တဲ့ ဘုရားကို ငါသွားရောက်ဖူးမျှော်က ငုံ့၍ပင် ကြည့်ရလိမ့်မယ်ဟု အထင်ရောက်ကာ ဘုရာထံမှောက် မသွားရောက်ဘဲ နေခဲ့တယ်။
နောက်တော့ ဘုရားရှင်ရဲ့ တန်ခိုးတော်ကြောင့် ဘုရာထံမှောက်ရောက်လာပြီး ၊ ဗုဒ္ဓက “မဟိမာ” ဘုန်းတော် တန်ခိုးဖြင့် သူ့ထက်ကြီးအောင်ဖန်းဆင်တော်မူလျက် လျောင်း၍ အဖူးအမြောခံတော်မူရာ အလွန်းကိုယ်ခန္ဓာ ကြီးမားသော အသူရိန် တအားကုန်းမော်၍ ဖူးမြော်သော်လည်း ဘုရားရှင်၏ အထပ်ပိုင်းကို မမြင်ရဘူးတဲ့။
ဒါကြောင့် အင်မတန်ကြီးမားတဲ့ လျောင်းတော်မူသော ဘုရားရှင်းမျာကို ဖူးတွေ့ရရင် မဏီမာဘုန်းတော်ကို ကြည်ညိုရမယ်ဒကာ။
No comments:
Post a Comment