ကရုဏာဘယ်လိုထားကြမလဲ ?

နှလုံးသားထဲ ကိုယ့်ကိုယ်ကို ထည့်မထားနိုင်တာဟာ အသိဉာဏ်နည်းလို့ဖြစ်တယ်။
 နှလုံးသားထဲ သူတစ်ပါးကို ထည့်မထားနိုင်တာဟာ ကရုဏာတရားကင်းလို့ဖြစ်တယ်။
----------------------------
အထက်ပါ အတွေးအခေါ်ပညာရှင်ရဲ့ ဆိုလိုရင်းကို မိမိက တိုက်ရိုက် အဓိပ္ပါယ် မဖွင့်ဆို တတ်ပေမယ့် စာရေးသူ နာလည်း သလောက်ပြောပါရစေ..
အနောက်တိုင်းက လူတွေ ပြောလေ့ပြောထရှိတဲ့ စကားရှိပါတယ် ၊
'Big Heart '  ..နဲ့ 'Don't look down' ဆိုတဲ့ စကားပါ..၊

နှလုံးသား ကြီးကြီးထားပါဆိုတာကတော့ ...၊ ချစ်ခြင်း၊မုန်းခြင်း၊ကဲ့ရဲ့ခြင်း ၊ ပြိုင်ဆိုင်ခြင်းတွေကို ၊ မေတ္တာနှလုံးသားဖြင့် ခံယူပါလို့ ဆိုပါတယ်။
မိမိလည်း  မိမိသက်တမ်း တစ်လျှောက်မိမိရဲ့ နာကျည်းမှုတွေ ၊ ဒုက္ခတွေကို သူတပါး အား မပေးတတ်ပါဘူး။ မိမိကိုယ်တိုင်ပဲ ခံယူလေ့ရှိပါတယ်။
ပြည်ပတိုင်းပြည်မှာ  နေထိုင်မကောင်း၊ အဆင်မပြေဘူးဆိုရင်တောင် .. ဟို... အဝေးကြီးမှာ ရှိတဲ့ မိဘတွေ ညီအစ်ကို မောင်နှတွေကို ဒုက္ခမပေးတတ်ပါဘူး။
နေကောင်းလားလို့ မေးရင် နေကောင်းပါတယ်
အဆင်ပြေလားလို့ မေးရင်လည်း အဆင်ပြောပါတယ် လို့ပဲဖြေတတ်ပါတယ်။

မိမိကို  မနာလိုသူတွေ ပြိုင်ဘက်တွေကိုလည်း စိတ်မနာကျည်းတတ်ပါဘူး..၊
သူတို့ဟာ တနည်း တဖုံကိုယ့်ရဲ့လုပ်ငန်းတွေ အောင်မြင်အောင် ကူညီစောင့်ရှောက်နေတာပဲလို့သာ ခံယူပါတယ်။

ရန်ပြုရင်တောင် ဗုဒ္ဓကဲသို့ မေတ္တာလက်ကိုင်ထားပြီး...၊ ရန်သူကို မိမိရဲ့မေတ္တာနယ်ပယ်က ထင်ရှားတဲ့ သတ္တဝါတစ်ယောက်လို့ သတ်မှတ်ကာ မေတ္တာကို အထူးပွားပေးပါတယ်။

လူသားတိုင်းမှာ အောင်မြင်ခြင်း / ကျရှုံးခြင်းဆိုတာ ရှိတတ်ပါတယ်။
လူတွေက ... လူတစ်ယောက်ရဲ့ အောင်မြင်ခြင်းကို  အသိအမှတ်ပြုဖို့ရာခဲယဉ်း သလောက်
ကျရှုံးခြင်းကိုတော့ လက်ညိုးထိုး မေးငေါ့ချင်သူတွေက ဒုနှင့်ဒေးပါ။

လူတွေကလည်း မိမိကျရှုံးရင်လည်း ကိုယ့်ကျရှုံးခြင်းကို ကိုယ့်ရဲ့အားနည်းချက် ၊ လိုအပ်ချက်လို့ မသုံးသပ်ပဲ သူတပါးကို (သို့) ဆရာသမား မိဘတွေကို အပြစ်ဖို့တတ်ပြန်ပါတယ်။
တကယ်တော့ ကိုယ်လုပ်ရပ်ကြောင့် ကိုယ်ပဲ ခံစားရတာပါ..

မှတ်မှတ်ရရ.. စာရေးသူ အတွေ့အကြုံပြောပါရစေ..
စာရေးသူ တက္ကသိုလ်နောက်ဆုံးနှစ် စာမွေးပွဲကျပါတယ်...၊
ပုထုဇဉ်ရဲ့သဘောအရ.. စာမေးပွဲကျတော့ စိတ်ညစ်တယ်၊ မပျော်ဘူးပေါ့
ဒါပေမယ့် စာရေးသူဟာ မပျော်ခြင်းကို... ၊အသုံးချပြီး နောက်တဆင့်တက်လို့ ဘဝမြင့် တင်လိုက်ပါတယ်။
မိမိကိုယ်ကို နှလုံးသားထဲမှာ ထားနိုင်ခဲ့ပါတယ်။
------------------
နှလုံးသားမှာ သူတပါးကို မထားနိုင်တာဟာ ကရုဏာကင်းလို့ပါတဲ့
လူတွေဟာ ခွေးလေးတွေ ၊ကြောင်လေးတွေကို ချစ်တတ် ကရုဏာ သက်တတ်ပေမယ့်
လူချင်းချင်း ကြတော့ သိပ်ပြီး ဂရုဏာ မထားနိုင်ပါဘူး။

စူဠကရုဏာ (ကရုဏာနည်းလို့ပေါ့)
ဘုရားရှင်တို့ရဲ့ ကရုဏာကိုတော့ မဟာကရုဏာ ( မဟာဂရုဏာ ပိုင်ရှင်လို့ ဆိုပါတယ်)

မိမိနှလုံးသားမှာ သူတစ်ပါးကို ထည့်ထားနိုင်ဖို့က သူတစ်ပါးကို အထင်သေး အမြင်သေး မကြည့် ရပါဘူး၊ မိမိလို လူသားတစ်ယောက်ဟု  ကြည့်ရပါမယ်။
ဒါဆိုတာ.. မိမိနှလုံးသားမှာ သူတစ်ပါးကိုလည်း နေရာပေးနိုင်ပါတယ်
ဆက်ပါဦးမည်..