ကျမသမီး ရှေ့ရေး... မတွေးတတ်ပါ...။

၁)

ကျမ ကလေးဘဝ... မိဘများက ..ဟဲ သမီး ..မိန်းကလေးဆိုတာ .. “ ဗိုင်းကောင်း ကျောက်ဖိတဲ့” သေသေ သပ်သပ် နေရမယ်လို့ ဆုံးမသံမျိုး….။  အပြင် သွားမယ်ဆိုရင်လဲ “ ဟဲ.. သမီး   တစ်ယောက်တည်း မသွားနဲ့ အဖော်နဲ့သွား  မိန်းကလေးဆိုတာ ဣနြေ္ဒနဲ့ သိက္ခာနဲ့နေရတယ်” စသော ဆုံးမစကားသံများ ၊ဟော ..!  နည်းနည်း  အရွယ်ရောက်လာတော့  “ ဟဲ.. သမီး .. မိန်းလေးဆိုတာ .. အိမ်တွင်းသန့်ရှင်းရေး.. အိမ်တွင်းကိစ္စ ပိုင်နိုင်ရတယ်။ အိမ်ဝင်လိုက်တာနဲ့ ..အိမ်မှာရှိတဲ့ အမျိုးသမီးတွေရဲ့ အဆင့်အတန်းကို ဆုံးဖြတ်လို့ရတယ်”  ..စတဲ့ ဆုံးမသံတွေဟာ အမေက မကြာမကြားပြောနေကျမို့ မှတ်မိနေဆဲပါ။  ဟော !  ဆယ့်သုံးနှစ် အရွယ် ၊ ဆယ့်လေးနှစ်အရွယ်ရောက်လားတော့  “ သမီး.. ငယ်ငယ်ရွယ်ရွယ်နဲ့ ရည်းစားမထားနဲ့နော် .. စာကြိုးစား .. ယောက်ျားကတော့ အချိန်တန်ရင် ရမှာပေါ့.. စတဲ့ ဆုံးမစကားသံများလဲ  မကြာခဏကြား နေကြမို့ ..နားထဲမှာ စွဲနေသလိုပါပဲ။

ကျမ စဉ်းစားတတ်တဲ့ အရွယ်ရောက်တော့လဲ ဗုဒ္ဓဘာသာရဲ့ လမ်းညွှန်မှု ၊ မိဘ၊ ဆရာသမားများရဲ့ သွန်သင်မှု ကြောင့် လူဘဝမှာ လုပ်သင့်သောအရာ.. မလုပ်သင့်သောအရာ ၊ ပေါင်းသင်းထိုက်သော မိတ်ဆွေ… မပေါင်းသင်း ထိုက်သော မိတ်ဆွေ စသည့် အကောင်း..အဆိုး…၊အကြောင်း…အကျိုးတို့ကို  ခွဲခွဲခြားခြား နားလည်းလာပါတယ်။

၂)

“ဆင်ပြောင်ကြီးသွားရာ ဆင်မညင်သာ လိုက်ပါစမြဲ… ယောင်နောက် ဆံထုံးပါ” ဆိုသလို .. ကျမ အိမ်ထောင်ကျ တော့ ကျမ အမျိုးသားရှိရာ နိုင်ငံခြားသို့ရောက်လာပါရပါတယ်။

ကျမ နိုင်ငံခြားမှာ သမီး တစ်ယောက်နဲ့ သားတစ်ယောက်  ထွန်းကားပါတယ်။  ကျမတို့ ရောက်စတော့ ကနေဒါမှာ မြန်မာတွေ များများ မရှိသေး  ၊ မြန်မာကော်မြူနတီ၊  မြန်မာဘုန်းတော်ကြီးကျောင်းဆိုတာ မရှိသေးတော့  ကျမရဲ့ ကလေးများ  မြန်မာယဉ်ကျေးမှုနဲ့ အလှမ်းဝေးတယ်လို့ဆိုနိုင်ပါတယ်။ ကျမလဲ အလုပ်ကတစ်ဖက် ၊ ဖခင်ဖြစ်သူကလဲ သမီး မိန်းကလေးဆိုတော့ ဘာမှ မယ်မယ်ရရ မဆုံးတတ်တော့ သမီးတစ်ယောက် မြန်မာ့ယဉ်ကျေးမှုနဲ့ အလှမ်းဝေးခဲ့ရပါတယ်။ ကျမကိုယ်တိုင်းလည်း .. သမီးကုို ငယ်စဉ်က .. ဆိုဆုံးမလို့ ရတဲ့ အချိန်က  သေချာပုံ မသွင်းမိခဲ့တာ ကျမရဲ့ အားနည်းချက်လို့ ဝန်ခံပါရေစေ..။

၃)

သမီးငယ်ငယ် ဆယ်နှစ်ကျော်အရွယ်ကဆို ဘာပဲလုပ်လုပ် ကျမကို မေးမြန်းလေ့ အကူအညီတောင်း လေ့ရှိပါတယ်။ ဥပမာ.. အပြင်သွားမယ်ဆိုရင်.. “ မေမေ.. သမီး ဘာဝတ်ရမလဲ” စသည်.. ။ မေမေ.. “သမီး လုံချည် မဝတ်တတ်ဘူး ပြပေးပါဦး”  စသည်စသည် အသေးအဖွဲ ကိစ္စကအစ မေးမြန်းတတ်ပါတယ်။  ငယ်ရွယ်တုန်းကတော့ သမီး..  အဝတ်အစားဆိုတာ ဒူးနေရာဒူး၊  တော်နေရာတော် သူနေရာနှင့်သူဝတ်ရတယ် သမီး စသည်ဖြင့် ကိုယ်တိုင်လဲ  မြန်မာမိသားစု ၊ မြန်မာ့ပွဲလမ်းသဘင်သွားတိုင်း မြန်မာအဝတ်အစား ဝတ်လေ့ရှိပါတယ်။ ကျမတို့လူငယ်ဘဝက  မြန်မာဝတ္ထုတွေထဲမှာ အနောက်နိုင်ငံမှာ ရောက်နေတဲ့ အန္ဒိယနဲ့ မြန်မာတွေ ကိုယ့်ရိုးရာ အဝတ်အစားကို မြတ်မြတ်နိုးနိုး ဝတ်ဆင်လေ့ရှိတယ်လို့ ဖတ်ဖူးပါတယ်။

ကျမလဲ သမီးငယ်ငယ်တုန်ကတော့ ကျမတတ်သလောက် သင်တာပဲရှင်….။

၎)

ဟော…! ကျမ သမီး အရွယ်ရောက်လာတော့ .. ကျမ စကားကို ကောင်းကောင်းနားမထောင်တော့…။ သမီးက.. သူ့ သူငယ်ချင်းတွေနဲ့ လည်တတ်ပြီ ။ အစကတော့  မေမေ “ သမီး ..သူငယ်ချင်း မွေးနေ့ပွဲသွားမလို့” ဆိုတော့ ခွင့်ပြုလိုက်ပါတယ်။ ဒီလိုနဲ့ သမီးတစ်ယောက် ကျမ ..မပါပဲ သူငယ်ချင်းတွေနဲ့ အပြင်ထွက်ချင်လာပြီ။  ကျမထံ ခွင့်တောင်း၍တမျိုး၊ ကျမ မသိအောင်တဖုံ အမျိုးမျိုး သူငယ်ချင်းတွေနဲ့ Shopping Mall တွေဆီကို လည်တတ် ပတ်တတ်နေပြီ။

တခါတစ်လေ ကျမ သိတော့ မြန်မာမိဘပီပီ  သမီးကို ဆူမိပါတယ်။ ကျမကိုယ်တိုင်လည်း အင်္ဂလိပ်လို လည်လည်ပတ်ပတ် မပြောတတ် ၊ သမီးကိုတိုင်းကလည်း မြန်မာလို ကောင်းကောင်း မတတ်တော့ သမီးနဲ့ ကျမကြား ဘာသာစကားကြီးက အရံအတားကြီးလို ဖြစ်နေပါတယ်ရှင်..။ ဒီတော့မှ ကျမနောင်တ ရမိတာက ကျမသမီးကို မြန်မာလို ကောင်းကောင်းတတ်အောင် မသင်ပေးခဲ့မိတာ ကျမအပြစ်လို့ပဲ ဝန်ခံရပါစေ..။

တခါတလေ ကျမ စိတ်တိုင်းမကျလို့ အော်လိုက်.. ငေါက်လိုက်ရင် သမီးက မျက်ရည်ဝဲလို့ ကျမလဲ  ဘသာစကား မပေါက်တော့ အော်..ငေါက်ရုံမှ တပါး … နားဝင်အောင် မပြောတတ်ပါဘူးရှင်။

 High School ရောက်တော့ အပေါင်းသင်တွေလည်း များလာပါတယ်၊ အပေါင်းအသင်းတွေက မိန်းကလေး သူငယ်ချင်းတွေကြီး မဟုတ်တော့ပဲ ယောကျာ်လေး သူငယ်းချင်းများလည်း ပါလာပါတယ်။  အပြင်ထွက်ရင်လဲ  အရင်ကလို  မိဘထံခွင့် မတောင်းတော့၊ သွားချင်တိုင်းသွား ၊လာချင်တိုင်းလာ ၊ မိဘကိုလဲ အသိအမှတ်မပြုတော့..။ ကျမ  သမီးအတွက် စိတ်ပူတာထက် ကိုယ့်ကိုကိုယ် ယူကြုံး မရ ဖြစ်ရပါတယ်ရှင်။ ကျောင်းတွေက ဘာတွေသင်ပေးလဲ ကျမ မပြောတတ် ကျမ သမီးနေထိုင်ပုံကတော့ ကျမတို့ မြန်မာယဉ်ကျေးမှုနဲ့ လုံဝလုံးဝ ကွာခြားသွားပါတယ်ရှင်။

ကျမ ကိုယ်တိုင်းလဲ ခေတ်နောက်မီးဆွဲတော့ မဟုတ်ပါဘူး။ အင်္ဂလိပ်လိုကောင်းကောင်း မပြောတတ်ပေမယ့် ၊  ခေတ်အခြေအနေကိုတော့ အကဲခတ်တတ်ပါတယ်။ သမီးအတွက် စိတ်မကောင်းတော့ ကျမ သူငယ်ချင်းတွေ မေးမြန်း ဆွေးနွေးဖြစ်ပါတယ် တချို့ကတော့ “ အဲဒါ.. ကနေဒါ စတိုင်တဲ့.. ဆယ့်ရှစ်နှစ်ပြည့်ရင် လွတ်လွတ်လပ်လပ် နေလို့ရတယ်” တဲ့ ၊  ကျမ သမီး ဆယ့်ရှစ်နှစ် မပြည့်သေးပါဘူး ဘွဲ့ရဖို့ဝေးသေး .. ဟိုက်စကူးတောင် မပြီးသေပါးဘူးရှင်။ ကျမတွေးမိတာက… ကနေဒီယန်မိသားစုတိုင်း ဒီတိုင်းပဲလား .. မိဘစကား နားမထောင် သွားချင်းရာ သွား ၊လာချင်ရာ လား၊ ကျောင်းလည်း အချိန်ပြည့်မတက် ၊ စိတ်ရှိတယ်တိုင်း လျှောက်လုပ်နေသလားဆိုတာပါပဲ။ ဟုတ်မယ့် မထင်ပါဘူးရှင်  ..တချို့လည်း လိမ္မာတဲ့ သား၊ သမီးနဲ့၊  ယဉ်ကျေးတဲ့ မိသားစုများလည်း ရှိနေဦးမယ်လို့ ယုံကြည်ပါတယ်ရှင်..။

တချို့မိသားစုများ   သားသမီးများအတွက် ကျောင်းကောင်းတဲ့ ရပ်ကွယ်မှာ အိမ်းတွေ ကို ဈေးကြီးပေးဝယ်ပြီး နေတာ ကျမ စောစော က နားမလည်ခဲ့ပါဘူးရှင်  ၊ ကျမသမီး အရွယ်ရောက် မှ သြော်…ပတ်ဝန်းကျင် ကောင်းဖို့လိုအပ်ပါလားလို့ ခံစားရပါတယ်။   မြတ်စွာဘုရားက “ ပတိရူပ ဒေသဝါသ” သင့်တင့် လျှောက်ပတ်သော အရပ်မှာ နေရမယ်ဆိုတာ ဒါပြောတာ ထင်ပါရဲ့။  ကျမတို့ နေတဲ့ ရပ်ကွက်က များသောအားဖြင့် ကျမတို့လို နိုင်ငံ ပေါင်းစုံက  Immigrant  တွေနေ တာပါပဲရှင်။

၅)

ကျမ ..သမီး.. အပြင်ထွက်တတ်ရုံမက.. ဟော..! ဆေးလိပ်ပါ သောက်တတ်လာပြီ… ။ ကနေဒါမှာဆို.. အသက် ဆယ့်ကိုးနှစ်ပြည်မှ ဆေးလိပ်သောက်ခွင့်ပြုတာ.. ဒါပေမယ့် လူပေါင်းမှားလို့ .. ဆေးလိပ်ကို ခိုးသောက်တတ်လာပြီ။ ကျမက..“ သမီး ဆေးလိပ်သောက်ရင်.. မျက်နှာရင့်တတ်တယ်.. မိန်းကလေးဆိုတာ .. ပန်းကလေးလို လှလှပပ ..နေရတယ်. ဆေးလိပ်သောက်တာဟာ အလှပျက်စေတယ်” လို့ပြောတော့။ သူငယ်းချင်းတွေလည်း သောက်နေတာပဲတဲ့။

အပြင်သွားမယ်ဆိုရင်လဲ.. အရင်ကလို “ မေမေ.. ဘာဝတ်ရမလဲလို့”  မမေးတော့ ကျမ မျက်စေ့နဲ့ လုံးဝ မတွေ့တဲ့ အဝတ်အစားတွေ ပါပဲရှင် .. ။ ကျမက.. သမီး ..အဝတ် ဝတ်တယ်ဆိုတာ.. အမြင်မတော် ဖုံးသင့်တဲ့ နေရာ ဖုံးဖို့ ဝတ်တာ ၊ အဲဒီလို့ ဝတ်စား ဆင်ယင်တတ်လို့  လူလို့ ခေါ်တာ၊ မဖော်သင့်တာ ဖော်ရင်..   ယောက်ျားသားတွေ ရဲ့ စိတ်ကို ဆွဲဆောင်နေသလိုပဲ.. မတော်တရော်လို့ပြောတော့။ သမီးက “ မေမေ..  ခေတ် ပြောင်းသွားပြီတဲ့ ၊ တီဗွီတွေမှာ မော်ဒယ်တွေ၊ သရုပ်ဆောင်တွေ ဒီအတိုင်းပဲဝတ်နေတာပဲ” တဲ့ ။  သြော် အတုခိုး မြန်လိုက်တဲ့ခေတ်ကြီး
 ကောင်းတာတွေကိုတော့ အတု မခိုး၊ ပညာတတ်တွေ ဖြစ်အောင်ကြိုးစားတာ  ၊နိုင်ငံတော် ကောင်းအောင်ကြိုးစားတာ ၊ လူထုအကျိုးပြုလုပ်ငန်းတွေ  ဆောင်ရွက်တာတွေကိုတော့ အတုမခိုး မဟုတ်တဲ့ မတော်တရော် အဝတ်အစားတွေကိုတော့ အတုခိုးတတ်ပါဘိ။

တီဗွီတွေ ၊ သရုပ်ဆောင်တွေဝတ်တာကလည်း ပရိတ်သတ် ဆွဲဆောင်အောင် ဝတ်တာ အပြင်မှာ သူတို့ ဒီလို့ဝတ် စားပြီး သမီးတို့လို လျှောက်သွားနေတာ မဟုတ်းဘူး၊  သူတို့သွားရင်လည်း ကားအကောင်းစား တွေ ၊ အစောင့်အရှောက်တွေနဲ့လို့ပြောတော့  “I don’t know” တဲ့ ။

ခုလောလောဆယ်.. မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်  ဝတ်တာ၊ စားတာ မြန်မာ့အမျိုးသမီးတွေ ဘယ်လောက် အတုခိုးဖို့ ကောင်းပါသလဲရှင်..။

ဆင်ယင်ဝတ်စားတာ မြန်မာဆန်လိုက်ပါဘ်ိ၊ ရင်ဖုံးအင်္ကျီ လက်ရှည်နဲ့  မြန်မာ့ ဆန်ဆန် လုံချည်နဲ့ ဆံသေသာမှာ ပန်းက အမြဲ ပန်းထားလိုက်သေး။ ကျမ အထင်ကတော့ ဘယ်နေရာ ဘယ်ဒေသ ရောက်ရောက်   မြန်မာကတော့ မြန်မာပါပဲရှင်.. အဖြူအဝတ်အစားဝတ်ပြီး.. အဖြူတော့  လုပ်လို့ရမယ် မထင်ပါဘူးရှင်။ တခါတရံ.. အနောက်တိုင်းပွဲလမ်းသဘင် တက်တဲ့အခါမျိုးမှာတော့ အများနည်းတူ ပုံစံကျဝတ်တာကတော့ နားလည်ခွင့်လွှတ်နိုင်ပါတယ်ရှင်..။

 အပြင်သွားတဲ့အခါမှာ .. မတော်တရော်တွေ ဝတ်စားကတော့ မိန်ကလေးတွေ သိပ်အန္တရာယ် ကြီးမားလွန်းပါတယ်.။

အနောက်တိုင်းမှာ  ၂၀-ရာစုနောက်ပိုင်း ခေတ်စားလာတာကတော့.. “ လူ့အခွင့် အရေး နဲ့ အမျိုးသမီး အခွင့်အရေး” ဆိုတာပါပဲရှင်။ နိုင်ငံရေးကို နားမလည်လို့ . လူအခွင့်အရေး အကြောင်းကို ထဲထဲဝင်ဝင် မပြောတတ်ပေမယ့် ၊ အမျိုးသမီး အခွင့်အရေးဆိုတာကို အချို့မိန်းကလေးတွေ.. ကျမသမီး အပါအဝင်ပေါ့ အယူအဆ လွဲမှားနေတယ်လို့ ကျမ ယူဆမိပါတယ်။

ဥပမာ.. ယောက်ျားတွေနဲ့ တန်းတူအခွင့်အရေး တောင်းဆိုတဲ့အခါမှာ .. အပြင်ထွက်တဲ့အခါ ..   ယောက်ျားလေးများလို ကိုယ်ဗလာကျင်း သွားလို့တော့ ဘယ် သင့်တော်ပါ့မလဲ.. ။  သဘာဝ ခန္ဓာကိုယ် တည်ဆောက်ပုံခြင်းက ကွဲပြား ခြားနားနေတာ ယောက်ျားများနဲ့  တန်းတူညီလို့ မရပါ။

ကျမဖြစ်စေချင်တာက.. ယောက်ျားလေးတွေ နိုင်ငံတာဝန် ထမ်းဆောင်တယ်ဆိုရင် မိန်းကလေးတွေကလဲ  နိုင်ငံတာဝန်ထမ်းဆောင်နိုင်တာ ၊စီးပွားရေဖက်မှာလည်း ယောက်ျားများနဲ့ တန်းတူ တွေးခေါ်စဉ်းစားနိုင်တာ .. စသည့်  လူမှုရေး ၊ စီးပွားရေး ၊ နိုင်ငံရေး နယ်ပယ်မှာ  ယောက်ျားများနဲ့ တန်တူး တန်းညှိတယ်ဆို ကောင်းတဲ့ လက္ခဏာပါ။

အမေရိကန်  နိုင်ငံခြားရေဝန်ကြီး ဟယ်လရိ ကလင်တန်ဆို ဘယ်လောက် အတုခိုးစရာကောင်းသလဲ  ယောက်ျားများနည်းတူ  နိုင်ငံတာဝန်ကို ကောင်းကောင်း ထမ်းဆောင်နိုင်တယ်။

၆)

ဟော ! ကျမသမီး ဟိုက်စကူး မပြီး   ၊ စာမေးပွဲကျပါတော့တယ်။ ဒီတော့ ကျမက ကျောင်းဆက်တက်ဖို့ တိုက်တွန်းသော်လည်း ငွေးသုံးတတ်တဲ့အရွယ်ဆိုတော့   ကျောင်း ဆက်မတတ်တော့ပဲ လွယ်လွယ်ကူကူ  ငွေရှာတဲ့အလုပ်ကို လုပ်ပါတော့တယ်ရှင်။

ဟော !ကြည့် ကျမသမီး အလုပ်စရတာက နိုက်ကလပ်တဲ့ သမီးပြောတာကတော့ မပင်ပန်းဘူး ၊ Service အကူအညီပေးရတဲ့အလုပ်တဲ့ ၊ ကျမလည်း အကြံ မပေးတတ်တော့ပါ။ သူတို့ခေတ် သူတို့တိုင်းပြည် ၊ ကျမ သဘောမကျရုံမှ တပါး ဘယ်လို့အကြံမှ မပေးတတ်တော့ပါ။

ကျမ သမီး ကျောင်းကထွက် နိုက်ကလပ်မှာ အလုပ်ရပြီးကတည်းက  နေတာ ထိုင်တာ ပိုဆိုးလာပါတယ်။   ယောက်ျားလေး  သူငယ်းချင်းကလည်း များမှများ တစ်ယောက်ထည်းလဲ မဟုတ် တယောက်ပြီး တစ်ယောက် ၊ သမီးမှာလဲ အားတယ်မရှိ နေတိုင်းလိုလို အပြင်ထွက်တော့ တာပါပဲ။ ဘာပွဲညာပွဲစသည်ပေါ့ တခါတရံ အိမ်တောင် ပြန်မအိပ်တော့ပါဘူးရှင်။

 ကျမသမီး ပုံစံကလည်း ကျမ မွေးထာတဲ့ သမီးနဲ့မတူတော့  ပုံပျက် ပန်းပျက် .. ။ ကျမတို့   မြန်မာယဉ်ကျေးမှုမှာတော့  အပျိုမိန်းကလေးဆိုတာ တင်းတင်းရင်းရင်း ပြည့်ပြည့်ဖြိုးဖြိုး ၊ နိုင်ငံခြားမှာ မွေးတဲ့ ကျမ သမီးမှာတော့ ဒီလိုမဟုတ်တော့   ဆေးလိပ်သောက်လို့ပဲလား ဘီယာတွေ   သောက်လုိ့ပဲလား ၊ အစား အသောက်တွေ မဆင်ချင်လို့ပဲလား ခန္ဓာကိုယ်က အချိုးအဆစ်ပြေတော့..။

ကျမသမီး ရှေ့ရေး တွေးမိတိုင်း.. ကျမသမီးရဲ့ ရှေ့ရေးကတော့ လုံးဝလုံးဝ မတွေးတတ်တော့ပါရှင်…။

ကျမ..အတွေ့အကြုံအရ.. နိုင်ငံခြားမှာ နေထိုင်တဲ့ မြန်မာမိသားစုတိုင်း အနည်းဆုံး ပြောဆို ဆုံးမလို့ နားပေါက်အောင် မိမိမူရင်းဘာသာ စကားလေးတော့ တတ်အောင် သင်ပေးသင့်ပါတယ်ဆိုတဲ့ အကြောင်း တင်ပြလိုက်ရပါတယ်ရှင်…။