ကာလေန ဓမ္မသာဂစ္ဆာ မင်္ဂလာ

ဆွေးနွေးတိုင်ပင်ခြင်းသည် ကြီးပွားအောင်မြင်ရေးတရားဖြစ်သည်..

စိတ်တွေဓာတ်ကျတဲ့အခါ.. စိတ်တွေပျံ့လွင်တဲ့အခါ.. ယုံမှားသံသယဖြစ်တဲ့အခါ.. တခါတရံ မိမိနှင့် ဆွေးနွေးတိုင်ပင်ဖော် အလုပ်အားလပ်တဲ့အခါမှာ.. တရားဆွေးနွေးတိုင်ပင်ခြင်းဟာ မင်္ဂလာလို့ မြတ်စွာဘုရားဟောတော်မူပါတယ်။
ဆွေးနွေးတိုင်ပင်တာဟာ အကျိုးများလွန်းလို့ … လောကုတ္တရာ တရားဓမ္မတွေသာ မဟုတ်ပဲ လောကီကြီးပွားရေး၊ စီးပွားရေးမှာလည်း အခွင့်အခါသင့်တိုင်း ဆွေးနွေးတိုင်ပင်သင့်ပါတယ်။

ဆွေးနွေးတိုင်ပင်ခြင်းသည် မင်္ဂလာ

နေမဝင်အင်ပါယာကြီးဖြစ်ခဲ့တဲ့ United Kingdom လို့ခေါ်တဲ့တိုင်းပြည်မှာ ဘုရင်မကြီး ဘုရင်ခံ အုပ်ချုပ်ရေစနစ်မှ အနားယူပြီးနောက် ၁၉၅၁ နှစ် Prime Minister  Winston Churchill လက်ထက် မှစ၍ ယခုလက်ရှိ ဝန်းကြီးချုပ် David Cameron တိုင်အောင် ဝန်ကြီးချုပ် ၁၂ ယောက်ထိ အပတ်စဉ်တိုင်း တိုင်းရေးပြည်ရေး ဘုရင်မကြီးနှင့် ဆွေးနွေးတိုင်ပင်ရပါသေးတယ်။တကယ်လို့ ဘုရင်မကြီးဖြစ်စေ.. ဝန်ကြီးချုပ်ဖြစ်စေ .. အလုပ်ရှုပ်နေမယ်ဆိုရင် တယ်လီဖုန်းနဲ့  တိုင်းရေး ပြည်ရေး ဆွေးနွေးတိုင်ပင်လေ့ရှိပါတယ်။

နိုင်ငံသေးပေမယ့် ကမ္ဘာမှာ တိုးတက်ဖွင့်ဖြိုးမှုမှာ ထိပ်းကပြေးနေတဲ့ စင်္ကာပူနိုင်ငံမှာလည်း ဝန်ကြီးချုပ် တိုင်းဟာ တိုင်းပြည်ကို တည်ထောင်ခဲ့တဲ့ ဝန်ကြီးချုပ်ဟောင်း လီကွန်ယုနဲ့ အပတ်စဉ်တိုင်း တိုင်းရေး ပြည်ရေး တွေ့ဆုံဆွေးနွေးပွဲတွေ လုပ်လေ့ရှိပါတယ်။
United States လို့ခေါ်တဲ့ အမေရိကမှလည်း သမ္မတ သို့မဟုတ် သမ္မတ သတင်းစာရှင်းလင်းရေး အဖွဲ့တွေနဲ့ အပတ်တိုင်းလိုလို သတင်းစာရှင်းလင်းပွဲလုပ်ကြရပါတယ်။

ဒါကြောင့်ဆွေးနွေးတိုင်ပင်ခြင်းကို တရားဓမ္မဆိုင်ရာသာမက တိုင်းရေးပြည်ရေး ကြီးပွားရေးတွေမှာ လည်း တိုင်းပေးလေ ကောင်းလေပါပဲ။ ထိုကဲ့သို့ ဆွေးနွေးတိုင်ပင်ခြင်းဟာ ဗဟုသုတတိုးပွားစေတယ်၊ သူ့ အမြင် ကိုယ့်အမြင် ဖလှယ်ရာ ရောက်တယ်၊ ပြဿနာတွေကို အတူတကွ ဖြေရှင်းနိုင်ပါတယ်။

မြတ်စွာဘုရား သတ်တော်ထင်ရှားရှိစဉ်က ဟောကြားခဲ့တဲ့ တရားတော်တွေဟာ မြတ်စွာဘုရား ပရိနိဗ္ဗာန်စံပြီးနောက် သူရဲ့ကိုယ်ပွား ထားရှိခဲ့တာပါ။ ဒါကြောင့် မထေရ်ကြီး အရှင်မဟာကဿပကို အမှူးပြု၍ အရှင်ဥပါလိ၊ အရှင်အာနန္ဒာတို့နှင့်အတူ ငါးရာသောရဟန္တာအရှင်မြတ်တို့ စုပေါင်းပြီး ဆွေးနွေးတိုင်ပင် ကာ ပထမသင်္ဂါယနာတင်ခဲ့ကြပါတယ်။

ပထသံဂါယနာမှာ သံဃာတော်တွေဟာ တရားတော်တွေကို ဆွေးနွေးတိုင်ပင်ပြီးနုတ်နဲ့ အာဂုံရွတ်ဆို လာခဲ့ကြာတ ယခုခြောက်ကြိမ်မြောက်အထိပါပဲ။  ဒီလိုမကြာမကြာ ဆွေးနွေးတိုင်ပင်ခဲ့ကြလို့ သမိုင်း အထောက်အထားတွေကို ဗုဒ္ဓဘာသာမှာသာ တိတိကျကျဖော်ပြနိုင်ပါတယ်။

မြတ်စွာဘုရားဟောကြာတဲ့ တရားတော်တွေဟာ ခက်ခဲနက်နဲလို့ သာမန်လူမဆိုထားဘိ၊ မိရိုးဖလာ ဗုဒ္ဓဘာသာဝင်တွေမှာတောင် သိရ၊ နာလည်းရခက်ခဲပါတယ်။ မှတ်တမ်းတင်ထားတဲ့ တရားတော် တွေကလည်း  ပါဠိတွေဖြစ်နေပါတယ်။ ဒါကြောင့်တရားတော်တွေ ကို သေသေချာချာ နာလည်ဖို့  ပါဠိ တတ်ကျွမ်းတဲ့ဆရာ ၊ ရှင်းလင်ပြသနိုင်တဲ့ ဆရာများနဲ့ ဆွေးနွေးတိုင်ပင်ဖို့လိုပါတယ်။

ဆွေးနွေးတိုင်ပင်ခြင်သည်း အချင်း အငြင်းပွားဖို့မဟုတ်

ရှေးပဝေသဏီကတည်းက တရားတော်တွေအပေါ်မှာ အတွေးအခေါ် အယူအဆတွေ ကွဲလွဲမှုတွေ ရှိနေပါတယ်။ ဒါကြောင့် မြတ်စွာဘုရားက .. သူဟောကြားထားတဲ့ တရားတော်တွေကို ဆွေးနွေး တိုင်ပင် မေးမြန်းပြီး သံသယကင်းမှ ယုံကြည်လိုက်နာဖို့ အမြဲတိုက်တွန်းလေ့ရှိပါတယ်။

တရားတော်တွေကို ဆွေးနွေးတိုင်ပင်ခြင်းဖြင့် တရားတော်တွေကို ရှင်းရှင်းလင်းလင်းနားလည်မယ်၊ ဝီရိယ၊ သတိ၊ သမာဓိများတိုးပွားပြီး ကြိုးစားအားထုတ်ရေးမှာ များစွာ အထောက်အကူပြုနိုင်ပါတယ်။

ဆွေးနွေးတိုင်ပင်ခြင်းကို.. အငြင်းပွားမှုနဲ့ အဆုံးသတ်ခြင်းဟာလည်း ကောင်းသော ဆွေးနွေးခြင်း မဟုတ်ပါဘူး။ ဆွေးနွေးခြင်းဖြင့် ..ပေါ်ပေါက်လာတဲ့ ပြဿနာကို အတူတကွလေ့လာခြင်း ၊ ပြဿနာရဲ့ အတိမ်အနက် အခက်အခဲတွေကို အတူတကွ ရှာဖွေပြီး အတူတကွ စုပေါင်းဖြေရှင်းရမှာဖြစ်ပါတယ်။  ဆွေးနွေးတိုင်ပင်ခြင်းမှ အကျိုးအမြတ် ကောင်းမြတ်တဲ့ ဆုံးဖြတ်ချက်တွေ ပေါ်ထွက်လားခြင်းဟာ မဂ်လာပါ။