Thursday, March 1, 2012

ချစ်လူမိုက်.. ချစ်ရင်မမိုက်ပါနဲ့


အစွဲအလမ်းကင်းခြင်းဟာ မင်္ဂလာ….

စိုးလွင်လွင်ရဲ့ လူငယ်တွေ အချစ်အတွက် အားတက်စရာ သီချစ်လေးတစ်ပုဒ်ရှိပါတယ်။ အချစ်အတွက်ဆိုရင် လောကဓံကို မေ့လို့ထားမယ်၊ အချစ်အတွက်ဆိုရင် သမိုင်းရေးထိုးလောက် အချစ်အတွက်မိုက်ပြမယ်တဲ့။ 

တချို့လူငယ်တွေကလည်း  မေးကြပြန်တယ်.. ချစ်တာအပြစ်လားတဲ့

အဖြေကတော့… အချစ်မှာ မပြစ်မရှိပါ…

ချစ်တာ... အပြစ်မဟုတ်ပါ..  ချစ်ကြပါ၊ ခင်ကြပါ..မေတ္တာရှိကြပါ.. မစွဲလန်းပါနဲ့.. မလွန်ကဲပါနဲ့

မြတ်စွာဘုရာက..
အချစ်တစ်ခုရှိရင်.. ဒုက္ခတစ်ခုရှိမယ်။
အချစ်နှစ်ခုရှိရင်.. ဒုက္ခနှစ်ခုရှိမယ်။
အချစ်တွေ အများကြီးရှိရင် .. ဒုက္ခတွေ အများကြီးရှိမယ်တဲ့။ 

 ပုထုဇဉ်မှန်သမျှ အရိယာသူတော်စဉ်တွေမဟုတ်သေးရင်တော့..အချစ်နဲ့ မကင်းနိုင်ပါ။
                  ပုထုဇဉ်မှာ အချစ်သုံးမျိုးရှိပါတယ်
၁။ ဝီတိက္ကကမအချစ် = တွေ့မြင်ခံစားရတာနဲ့ .. စွဲလမ်းတဲ့အချစ် ( ကိုယ်ထိရောက် အချစ်)
၂။ ပရိယုဋ္ဌနာအချစ် =  စိတ်ထဲမှာ စွဲလမ်းနေတဲ့အချစ်
၃။ အနုသယအချစ် = မွေးရာပါအချစ် 

စာရေးသူ တပည့်တစ်ယောက် အချစ်ဝေဒနာ အတွေ့အကြုံပြောပါရစေ… တပည့်လေးဟာ အသက် ငယ်ငယ်ရွယ်ရွယ်ပါပဲ.. တနေ့ မျက်နှာ မသာမယာနဲ့ ဘုရားကျောင်းကို ရောက်လာပြီး၊ ဘုရားဝတ်ချ၊ ဘုန်းဘုန်းဝတ်ချပြီး   “ ကျန်းမာ ချမ်းသာပါစေ” လို့ ဘုန်းဘုန်းက မတ္တာတွေဖြန့်ဝေတော့ တပည့်မျက်နှာ အနည်ငယ် ကြည်လင်လာတာကိုတွေ့ရတယ်။ 

တပည့်လေး ဘာတွေများ စိတ်တိုင်းမကျဖြစ်လာတာလဲလို့မေးတော့.. “ တပည့်တော်ရဲ့ ချစ်သူ ရည်စား ဒီနေ့ နောက်ကောင်လေးတစ်ယောက်နဲ့ စကားပြောနေတာတွေ့လို့” တဲ့  အဲဒါကြောင့် တပည့်တောစိတ်ထဲမှာ ချစ်သူ စွဲလမ်းစိတ်နဲ့ ရင်ထဲမှာ မီးလောင်နေသလို အချစ်ဝေးဒနာတွေ ခံစားနေရတယ်တဲ့။   ဘုန်းဘုန်းနဲ့တွေ့မှ.  ဘုရားကျောင်း ၊ဘုန်းဘုန်းတွေရဲ့ အေးချမ်းမှုက တပည့်တော်ကို တစ်ခဏ အေးချမ်းမှုတွေခံစားရပါတယ်ဘုရားတဲ့။
ဟုတ်ပါတယ်..
စွဲလမ်းခြင်းဟာ .. စိတ်ဆင်းရဲစေပါတယ်။ ဘာကိုမှ အလွန်အကျူးမစွဲလမ်းနဲ့.. စွဲလမ်းတာ ကိလေသာ အကုသိုလ်။
ဘဝဆိုတာ .. အချစ်တစ်ခုတည်းနဲ့ တည်ဆောက်ထားခြင်းမဟုတ်သလို အချစ်တစ်ခုတည်းနဲ့ ရှင်သန်နေခြင်းမဟုတ်ပါ။
ဘဝဆိုတာ… ယုံကြည်ချက် .. မျှော်လင့်ချက်များနှင့်လည်း တည်ဆောက်ထားပါတယ်။

ဟေ့..ချစ်လူမိုက်.. ချစ်ရင်မမိုက်ပါနဲ့… အစွဲးအလမ်း ကင်းခြင်းဟာ မင်္ဂလာပါ…

No comments:

Post a Comment